Flug und da 1e Tog

Also wia homm so a gaude ghobt, obwohl ma ca 35 std untawegs woan.... wia hom echt ueba olles lochn miasn, wal ma zB in toronto 7 std nua in da gegend ummagsessn sein....
zerst semma mit ana airbus a319 gflogn, nit besondas aufregend, donn mit ana boeing 777, schon groessa, donn wieda mit so ana airbus und donn mit an propella teil, mit i glab 20 plaetze.... voll witzig, du fliagst und fliagst und fliagst und do kummt nix, nua wold, eis und schnee
und da flughofn.... i glab unsa modellflughofn in passring is groessa^^...
dos erste essn woan chickn wings mit pommes und wedges, also es woa guat, dos 2e woa a schissl voll mit steaks, jedes 2 cm dick... fia 3 leit.... nojo, noch ana holbn std woan de a weg. und meistns herrscht holt selbstbedienung, wea hunger hot, nimmt wos.
naexte wochn is noch schulfrei und de komplette family hot ka ohnung wos tuan, wal im summa hom se a restaurant und im winta sen se quasi oabeitslos... find i recht witzig. se stehn holt east um 11e oda so auf, am nochmittog schlofn se wieda.... dos lebn do is chilln PUR... ea is wohl noch da buergamasta, oba dos hast nua das ea dos is, wal es gibt nix wos ea tuan muas.
nojo, i woa holt mitn todd schon skidoo foan (de sprechn in etwa skduuh), wia sen donn gonz aufn letztn zipfl aufe gfoan, und i bin aufn ozean gfoan, ca 200 m vom festlond weg (ohne schmeh). i hob mi oba nit mehr als an 30a getraut, wal wir woan echt mitn im nirgendwo, do konn ma nit amol dos gas auslossn, wal donn sinkst amol an meta ein... und donn bleibma auf anan eisplottn stehn und ea gibt vollgas, bis auf an 100a.... dos komma mit ca 400 auf de autobohn vagleichn.......... hoelm homma natuerlich kan ghobt, woa jo lei a kuaza ausritt (ca 90 min). und du hebst holt dauant ob, wal wia sen jo in da wildnis gfoan. a moose vom weitn und anige hosn homma gsegn. duat gehts holt nua auf und ob, donn kummt a klippn, du denkst dos gonze ding uebaschlogts glei, oba irgndwie gehts doch guat. i find holt de freiheit volle geil, du foast irgndwo umma und ka baua oda sunst wea regt sich auf, dos gheat anfoch kan. und ea hot 2 skidoos, wuell sich jetz noch a drittes kafn, wal dos stoake hot jo lei an 500a turbo mote mit ca 90 PS.... donn hot ea noch an oltn jeep und an neiaren als ersotzteilloga, zum ausschlochtn (na, hob mi nit vaschriebn) und noch a quad, nua dos liegt unta guate 2 meta schnee. jetz bastlt ea grod auf ana 1982a honda, damit ea im summa, bei 15 grad, donn foan konn.
es is wohl a bissl soeltsom, oba es taugt ma volle do. i hoff i konn muagn a poa fotos hochlodn
mochts es guat, eia christof (wieland)