a geila tog....

also heit woa anoch lei homma, da gonze tog....
aufgstondn bin i um 10e und bin glei ause gngen in de hittn, und da todd hot holt irgndwos ummageton und da JP (Juan pablo) hot a nit gwusst wos tuan... und do woa holt a bekonnta vom todd do mit sein neien skiddo, a 380a, kamot zan foan, und da JP und i hom glei a rennen am ozean gmocht, ea mitn 500a vom todd und i mitn 380a, wia sen nebneinonda stehn gebliebn und hom donn vollgas gebn, und wal meins leichta woa bin i guat weg kummen und wia sen volle mttn bis zum ondan ufa gfetzt, und i hob sogoa gwunnen, woa echt volle geil, wia hom ca 90 sochn drauf ghobt... hot ma holt da JP noacha dazoellt, i hob nit aufn tacho gschaut....
donn homma holt sei gwehr zommengebastlt, des hot eh ca 2 stund gedauat, wals echt kompliziert woa, oba wia homs gschofft.... da todd hot noch gmant wia sollln se quad ausgrobn; noch ana 1/2 stund homma des gschofft, homs oba aus der nischn nit ausa kriag, wia hoim zu zweit gezogn, ka chance... donn kummt da baer (todd) und ziagt amol mit ana hond on und des ding is herausn.... wia sen draufkummen das es doch a dreiradla is.... schaut witzig aus.... beim startn is uns donn dos seil obgrissn, oba des ding woa gfrorn, also warats woascheinlich sowieso nit glofn.... jetz stehts grod nebn dem grossn ofn in da hittn und taut auf und muagn woll mas zum lafn kriagn...
donnn um 3e hot uns da todd zua kayla gfiat, duat woan ca 10 leit und wia woan holt rodln, woa echt a gaude, nua holt irgndwie soelsom, de woan olle 17 bis 20 joa olt und sena hobby is rodln.... es woa oba trotzdem geil wal da higl ziemlich stal woa, sen oba eh a poa bualda und videos drin...
um 20:30 semma wieda obgholt woan wal wia anfoch nit gwusst hom wos ma duat tuan solln, wia sen anfoch auf ondre sochn eingsoellt, von daham holt. duatn homma noch a hendl bestoellt, bevua ma gfoan sen, und olle hom gmant des is so gaut... des is hendl mit pommes driba, drauf noch kaese und gravy, so a oat fleisch soft... uns hots nit gschmeckt, oba wia woan holt so hungrig... wennst in an knochn einegebissn host is dea anfoch zommen gongen, do komma sich eh schon vuastoelln wie de hendln gholtn wean....
donn hot da jacob ongruafn, so a oat hip hoppa, i hob ihn zerst nit so megn, oba es woa holt UFC im fernshen und wia sen um 23:30 donn ummegongen... hom zu viert volle de gaude ghob, ueba olles megliche, hauptsoche natuerlich vuatgehn, gratscht. und in 11 tog is irgndso a spuatvaonstolltung in st anthony, woa holb neufundland hin kummt und ea nimmt uns duat hin mit... des weat anfoch so geil, ea is echt a echta gleichgesinnter.
und jetz semma um 3:30 in da fruha endlich daham, und wal i jo so brav bin hob i ma noch de muehe ongeton und schreib jetz den eintrog fia eich.... am 13. maerz steigt a grosse fete beim jacob und do semma "VIP" gaeste.... diaft a gaude wean.... ea und sei freind sen anfoch total kamot drauf und hom a echt volle den duachblick, wos so politik und olles megliche betrifft. da komplette keller von dem haus gheat quasi ihm und duat is a a partyraum...
heit woa echt a geila tog voller socialising und des hom da JP und i echt schon gebraucht....
maugn steht des dreiradl aufn plan und eisfischn... i gfrei mi drauf... und i gfrei mi drauf eich wieda a poa witzige und coole sochn zan dazoelln.
lg, eia chris