Gruess euch!!

Bilder auf extreme-linkin-park.piczo.com/fotoszukanada
Also heit woa ziemlich witzig.... um 11:30 woa i mitn fruehstueck fertig und um 1 hots schon mittogessn gebn, nojo, is holt ondas.... wia sen donn gegn 2 noch st anthony gfon und woan zerst shoppn, in so ana oat von baumoakt, i hob glei 2 schloessa gekaft, fia de koffa, wal de 2 de drauf woan sen neama aufgongan, i hob se aufbrechn miasn...
donn hob i gedocht wia fon wieda ham, na, donn semma n0ch ins kronknhaus zu an vawondten gfoan, des woa zach, do hob i fost ka wuat vestondn.... und donn wieta zu ana pizzeria, und i muas sogn es woa goa nit schlecht.... zwoa total ondas, oba guat. i wollt eh a poa fotos mochn, leida woa do schon olles weg, oba so vuel konn i eich dazoelln: es gibt nua 3 pizzn, den rest muast da soelba zommstoelln, es gibt de 6" (inch), de 9", de 12" , de 15" und de 15 " square(quadratisch). und de 12a is ca wie a normale pizza, nua 3 mol so dick, also i hob kaempfn miasn... donn semma noch einkafn gfoan und rotats amol wos strudel auf englisch hasst...... bingo, strudel!! dos hob i in dem supermoakt gsegn wo ma fia de naexte zeit einkafn woan. man muas naemlich ca 35 min bis zum naextn lodn foan.... de hom eigtl fost genau de gleichn sochn wie wir, nua groessa, also a packl margerine hot holt nit 200 oda 500 gramm, sonda 1, 4 kilo..... dos gleiche beim eis und ollem wos fett und suess is....
es sen holt vuele "different things", zB in da frua steigst ins auto ein und auf da tia innenseitn is a reisiga eiszopfn... oda im koffaraum wochsn de dinga obn oba.... heit hots duachgehend -25 ghob, eigtl nit so schlimm, oba es is a sturm gongan, und dos is donn echt zach.... de strossn schaut aus als ob olles volla nebl warat, dabei is uebaroll in da luft nua schnee und eis....
wos i noch draufkummen bin is das so ziemlich jedes "minz"-bonbon und olles wos gruen is noch zohnpasta schmeckt... und do gibts orginal icebergwater zum kafn, dos is dos teiaste wossa, is oba a zielmlich guat.
in st anthony woama noch in an BRP shop, also de firma wos skidoos und a quads baut, des woa echt geil. de hom duat a teil mit am 600a motor und 151 PS, donn noch ans mit an 1200a motor, i wuell goa nit wissn wie vuel PS des hot......
und rotats amol wea heit so gscheid woa und sich zum obwoschn gmoeldat hot.....
nojo, es woa a geila tog und am obnd woama noch in an tim horton, so a mischung aus segafredo, mcdonalds und starbucks, nua holt nit besondas guat, nua de hot chacolate konn ma trinkn.
duat hob i mit senen ueba vasicherungen und goeld in oesterreich gratscht, donn hob i gsog wie schnoell ma bei uns auf da autobohn foan deaf und de hom de augn aufgriss!!!!!! do deaf ma jo lei max 80 foan, und es foat a kan, echt niemond, schnoella. und de 200 und mehr von deitschlond woan donn wie da k.o.-schlog.... *gg*
da todd hot ma heit noch dazoellt wos so olles auf mi zuakummt: also, wia wean jogn und fischn gehn, dos hasst jogn karibus, hosn, vlt sogoa a moose, oba dos is holt a weane gross.....
und fischn tat ma jetz eisfischn, donn hot ea eh sei boot.
und robbn, seeadler und wale weama noch segn und, na kane grizzly, sondan eisbaeren. hob i a komisch gfundn, oba ea lebt seit 39 joa do und hot noch nie an grizzly gsegn, oba de eisbaeren kumman oft mit de grossn eisberge und -scholn oba...
so, dos waers donn fia heit, muagn gibs hft wieda wos.
olles guate, eiha chris