Kein Titel *gg*

Also..... wos i gestan vagessn hob zu schreibn: wia hom am obnd moose (elch) ghobt, und dos is vielleicht a guates fleisch!!!! so wie wild, nua vuel muerba und dos fett is nua am rond....
und da wia heit east um 12:30, i was, weat imma spaeta, aufgstondn sen, hommas glei zum fruehstueck weg gessn.... woa echt lecka...

jetz zu heit: durchschnitttemparatur -24, mitn wind (weat dazuagrechnet) woans donn -34...
und wia sen trotzdem skidoo foan gongen... de lorna hot lei gmant i bin a tough guy....
man konn sich nit vuastoelln, das an mit normale sockn, skistutzn, dicke wollsock, skiuntawaesch, jean, skihosn und ane speziellen gummistiefl noch kolt wean konn, oba noch anaholb std is es so.......
oba es woa volle geil, zerst semma in a richtung gfoan, do woa oba sooooo a brutala wind, man hot echt nix mehr gsegn.... null...... und donn homma holt umgedraht, da todd kennt sich soooo aus, de braucht kan kompass oda schuelda (des do dowieso nit gibt), dea was imma wo er is, obwohl sich de umgebung duch den wind jedn tog total aendat... nochdems in da wuldnis echt ka gaude woa zu foan semma holt auf de wege zruckgfoan, woa oba a geil. do homma glie 2 ondre getroff, von denen is ana gsteckt.... da todd is oba vonm skidoo und glei amol bis zua hueftn eingsunkn.... donn hot dea ane amol gas gebn und da todd vuan am schi ongrissn und des teil is fost ausagflogn, dea mensch hot echt sooooo a kroft.... bei dem wind schaut de londschoft aus wie de sahara, uebaroll sen duenen, nua holt aus schnee. oft brettast donn auf a so an higl zu und denkst jetz hebts di glei aus.... donn woas doch nua pulvaschnee... und ondre mole hebts di echt aus... is holt wirklich nit anfoch dos skidoo foan.... i bin donn a amol in so an tol ohne im a weane gfoan oba mehr als 60 hob i nit gepockt, des is echt so zach.... des teil hot doch 250 kilo und is nit leicht zu steian.... donn semma richtung home sweet home und hom noch an kuaz ritt ueba de bucht bis zum ondan ufa gmocht. dos is olles gefrorener ozean, volle witzig... do semma holt amol donn vollgas gfoan, anfoch geil..... ea hot donn noch gmant wenn i wuel konn i dos skidoo jedazeit nehman und anfoch amol aufn ozean foan, nua nit zu weit noch ostn, wal do weat dos eis donn zu duenn (do gehts ausse ins meer). daham donn hob i mei untalippn nit bewegn kennen, wal de duach mein boat mitn kinn zommengfruan woa... i hob naemlich an hoelm ohne visier ghob, sigt ma eh auf de fotos (extreme-linkin-park.piczo.com/fotoszukanada).
donn daham woa a bissl fad, also hob i an auf monn gmocht und bin relaxn gongen (auf deitsch sclofn)
wos ma heit noch aufgfolln is is das de volle vuel sochn hom, wo se glabn de sen von do, zB hom se an kanadisch ananas soft und sen volle stolz drauf..... konn ma nit vuastoelln das de de entdecka der ananas woan..... dos gleiche mit de kokosnuss bonbons, auf de sen se a soooooo stolz, de beste firma (purity) mocht holt de bestn davon..... und de gibts onscheinend nua auf neufundland..... und auf jedn cola, fanta, ananassoft, olles mit kohlensaeure holt, steht extra a warnung das es uebagehn konn wenn ma des zu schnoell aufmocht, wegsn druck.... *lol*
nojo, amerika holt.....
dos woas fia heit, i hoff i hob nix vagessn...
ajo, naextes wochenende mochma (de teenager) vlt an ausflug noch deer lak emit da church...
na, i bin nit religioes wuan, do sen olle lei dabei wal de church holt feste vaonstoltet und ausfluege mocht...
so, des warats jz...
mochts es guat, eia chris