Socialising

heit hob i ma bade wecka gstoellt und bin trotzdem nit aufgwocht....
ob es woa eh ausa a bissl schnee wegraman nix zan tan, und da todd hot eh lei a schneefressn...
wia sen donn glei nochn mittogessn, left overs, mitn todd noch st anthony gfoan,
wal wia a poa sochn gebraucht hom. zerst woama im einkaufszentrum, des beinholtet ca 6 gschaefte, da pablo hot ane gscheidn festn schuha gebraucht, duat hom se oba nix gscheits mehr ghobt, also homma holt amol de normaln sochn eingekaft, brot..... wos ma holt so gebraucht hom.....
donn semma noch zum yamaha snowmobile lodn gfoan wal da todd a schleif teil fia sei motasog (a echte stihl!!) gebraucht hot, wia hom uns dawal de geiln geraete ongschaut.... irre wos es olles gibt....
im skidoo lodn homma donn noch a maskn fia untan hoelm gekaft, echt guate... woan a nit grod billig...
da pablo hot sich in an gschaeft noch a skihosn und ane stiefl gekaft und donn hmmas eigtl a schon ghob, da todd is holt mit uns noch zum hofn gfoan.... und donn natuerlich noch zu tom hortons auf an cafe, den i endlich amol zohln hob kennen....
daham donn is a jugendlicha von do aufgetaucht, und mit dem homma uns glei ongfreindet, und am so untanehma vielleicht amol wos mit dem und seine freind....
de lorna hot noch 2 maedls und am bersch einglodn, de sen donn um 7e d gwesn und wia hom uns guat mit senen ongfreindet, de hom uns noch mit noch st anthony gnomman und de maedls natuerlich volle neigrig..... von da waehrung ueba de schul bis hin zum fuatgehn homm se uns olles gfrog...
donnn hot da pablo noch seine piecings (6e) gezagt.... donn hob i noch vom fuatgehn dazoellt...... und donn woa gonz aus...... de kennen do ausa skidoo foan (wos de 3e nit tuan) und rodln nix... woa eh kloa das ma senen noch deitsch und spanisch a poa woerta beibringen hom miasn...wia woan holt an cafe trinkn, da pablo und i homma uns anfoch a bier hergedocht, und hom gratscht...
spaeta hom se uns noch hamgebrocht und muagn gemma woascheinlich mit senen noch a weane durchs dorf und rodln, wos do echt a gaude sein diaft...
auf jedn foll homma jetz holt a poa freinde gfundn und homma am wochenend a wos zan tan!
und i hob schon gsog wenn ma de restlichn skidoos vom todd nit zan lafn kriagn, kafma uns zommen ans, wal heit homma a echt geiles stoakes skiddo um 1200 gsegn, also diaftma umma 600 schon wos kriagn....
woa holt echt a gaude heit und da pablo is echt schon wie a bruada fia mi, i kumm echt volle guat aus mit ihm... heit beim zruckfoan von st anthony hot ea aufn onglofenen fensta, des komplett zuagfroan woa, ummagmoln und da todd hot volle zum lochn ongfongen, da pablo hot lei gmant ea kennt dos jo nit.... bei ihm in kolumbien homm se in de letztn 10 joha amol schnee ghob...
so, dos warats donn a wieda fia heit, fia muagn hot de lorna noch a poa leit mehr einglodn, damit ma mehrere kennan lernen....
i gfrei mi drauf un i gfrei m a drauf es eich zan dazoelln!!!
bis muagn donn, eia chris