Todds gebuatstogs party

also eigentlich woa gestan a normala somstog... i bin umma 12e aufgstondn, hob mi glei an den tisch gsetzt und es hot turkey neck gebn.. des is a suppn mit dem gnack vom truthohn, schmeck ziemlich guat...jo, donn homma dem todd gholfn de hittn aszanrahman, also skidoo, 3radla, schneefresn und des gonze zeig ausa stoelln, donn noch a poa sochn fia de schul mochn und umma 10 homma uns donn gedocht, gemma holt amol ause, wal offiziell haetts jo um 7e schon onfongen solln....
zeast woa de stimmung a weane gedruckt, donn homma mit a poa leit ratschn ongfongen....
ana davon woa da cousin vom todd..... ca 2 meta hoch, so ein geraet und a glozn.... schaut anfoch so brutal aus.... oba a total liaba kerl, spaeta homma mit dem de gresste gaude ghob.
donn woa do noch so a witziga mit vollboat, mit dem hob i, obwohl ea guat beinonda woa, ueba echt coole sochn gredet. zB ueban 2en woeltkriag, wie der de gonze woelt vaaendat hot, von meinea uroma hob i noch dazoellt, wal ea wissn wollt ob ma domols a wohl ghobt hot oda wie, donn homma noch ueba goeld vadienen und olles gredet, wies holt do is und so wieta...
also do is es echt ziemlich leit a normales lebn zan fuehrn.... da benzin is billig, bei uns kostat a auto mehr als do a haus....
und de autos sen sooo billig.... a dogde ram mit vollaustottung kostet do ca 20.000 dollar, also ca 30.000 euro..... und dos is a fost 6 meta longes ding mit vadammt vuel ps und an V8 Hemi....
jo, de party is imma geila woan, anfoch homma, de musik is von rock zu volksmukke umgschlogn, also so a oat pub musik, wo holt da text anfoch a schas is oba jeda singt holt mit... donn hom a poa leit ongfongen mit besen und schaufln gitarr spueln und dazua zan trommln, a poa hom wos dazua glallt.... es sen eh haufnweise videos drinnen....
es woa anfoch da homma, i hob schon long neama so a geile party alebt, obwohl olle awoxene woan..... i konn nit olles dazoelln, wal i neama so vuel schreibn konn, oba wenns mit mia uebas skype ratschn wollts, bin i gern vafuegboa.....
donn bis heit am obnd, eia cri