de schul....

heit hob i um 7:30 ausa miasn.... des woa hoat... um 8:20 foat da bus und um 8:50 fongt de schul on, muagn gibts a poa buelda von de legendaeren schulbusse, heit hob i leida total vagessn...
oba i woa froh das i noch ueba 2 wochn de i jetz do bin endlich amol in de schul kummen bin...
also des mit da faecha wohl is do nit so, das ma nehmen konn wos ma wuell, man konn lei oft zwischn 2 auswoehln. i hob holt anfoch de kamotestn faecha mit de kamotestn leit gnommen, es geht jo do nit darum wos zu lernen, sondan um de kultur... :-D
zum glueck bin i mitn JP zu de ondren leit in grade 12 (17 jaehrige) eingstuft woan, nochdem i gfrog hob...
erste stund woa gym, a gegnstond wo ma lernt wie man sich fit holtet, find ziemlich cool. do homma ebn den cooper test, aerobe und anaerobe grenz und des olles duachgmocht, de lehrarin is oba ziemlich kamot, de homma a in mathe, als 2e stund (de sogn nit lesson sondan class) homma workplace safety ghob, is a recht a witziges foch. do lernt ma holt wos man als oabeita fia ane rechte hot und wos de firma olles tuan muas, des find i volle guat, sollt man in oesterreich a einfuehrn. donn homma noch music, also auf deitsch goa nix, ghobt, de hom naemlich soooo wenig lehra, das de musiklehra nit amol a instrument spueln oda notnlesn kennan... also eigentlich tuat ma do lei fuelm schaun oda ratschn, so wie heit homma holt dazoellt wie des so in unsre heimatlaenda is. komischaweise kummen wia imma, egal ob mit schuela oda lehra, aufs gleiche thema: alkohol.
is imma recht witzig wenn ma dazoellt wos a steign in oesterreich kostet, de zohln do ca des doppelte und de dosn sen lei 0.35 lita....
donn noch mathe, des woa am onfong a weane zach, wal i jo nit gwusst hob wie de gonzn zeichn gehn und so.... oba de tuan do ca des, wos wia in da 4en gmocht hom... anfochste glichungen wie zB 3[hoch]x=27.... is holt a weane peinlich.... nojo, es gibt wohl fia fost jedes foch an expertn kurs, oba dea is online, da lehra sitzt irgndwo in canada und de mochn des wos wia vua am monat gmocht hom (exponentialgleichungan).
als letztes homma noch arts (kunst) ghobt und des woa recht cool, de mochn grod skulpturen aus holzstaebchen und heisskleba...
nojo, als ondre faecha hob i noch english, turnen (i konn vielleicht radl foan) und des woas glab i so ziemlich... da stundnplan geht do holt ueba 2 wochn und de stundn sen je 60 min, noch da 2en 15 min pause, wieda a stund, donn 20 min muasma im essnssool sein, donn weitare 40 min frei und donn noch amol 2 stund.... also is um 3e aus... wenns nit stimmt bessa is muagn noch amol aus, oba i bin ma ziemlich sicha..
daham donn homma holt dazoellt wies so woa, und de schul soelba woa jo echt longwalig bis zum geht neama..... nojo, donnn semma ause in de hittn und hom des 3radl (muagn kummen mehr fotos, vasprochn) ausanonda gnummen, i hob den vagasa und da JP den onlossa greinigt und dawal hot da todd a neie kettn aufs skidoo aufegmocht.... des dauat, obwohl ea wass wies geht, ca 15 stund.... is echt a scheiss oabeit... nojo, muagn weama des 3radl hoffentlich zum lafn kriagn... da todd hot heit schon ongruafn in st anthony, obwohl i goa nit gsog hob ea soll, und um a billiges skidoo gfrogt. leida woa kana do, oba ea hot ans gsegn, goa nit so schlecht um a poa hundat bugs. wenn seine skidoos echt nit lafn, kaf i ma holt ans...
in de schul hot uns de lorna a echt guates lunchpacket mitgebn, mit an sandwich, soft, wos suesses, und noch a poa sochn.... woa echt liab.
am obnd hots donn hendl gebn, hom se onscheinend gern, des hot de lorna soelba gmocht und es woa echt a traum... mit reis und olle meglichn ungsundn und amerikanischn saucen dazua, oba anfoch guat.
fia heit woas des, mittwoch is schnee ongsogt und woascheinlich homma schneefrei, am 3en tog... i tat eh lochn..... nojo, weama schon segn.... vielleicht vasinkma jo so wie da hans in englond im schnee, wo bei 6 cm schon da gonze verkehr zommen bricht *lol*....
ok donn, mehr gibts muagn wieda, eia chris