Dienstog

heit woa wieda a stinknormala schultog...
nojo, in geo miasma bis muagn quasi a hausuebung mochn, de weat donn a obgsommlt.
in mathe bin i wieda guat mit de rechnungen wieta kummen, in workplace safety hob i endlich mei presentation holtn kennen, hot eh gepasst.
in gym hot se uns an test ongsogt, also so a oat vokabltest, es geht holt um muskln und so..
am donnastog homma wia etnweda schulfrei oda nua 2 stund, wal do wean de fotos fia de graduation (matura) gmocht. do is es uebahaup genial, de graduation feia und de prom (ball) und dos olles is vua de eigentlichn pruefungan, also feiast amol schen und donn muast east streban....
daham donn semma glei bold amol ause zum todd gongen, de hot naemlich in da hittn drausn gegruellt, kotelett und wiaschtln, dazua nudl mit kaese sauce. woa echt guat. wos i holt schlimm find, se hom uebaroll des gravy dabei, so a oat fleischsauce, wo anfoch olle reste und da soft vom fleisch und wossa und lebensmittlforb und mehl und so einekummt.... de bestn pommes und dos beste wiena schnitzl mochn se damit zu an gatsch..... es schmeckt jo guat, oba de tuans anfoch auf ollles drauf......
ajo, und am freitog konn sein das wieda schneefrei is....
nochn essn semma ause und hom a runde mitn 3radla bzw mitn 12a gedraht.... i mog des 12a nit so, desholb nimm i immma des 3radl, nua heit is grod da mota schen woam woan, auf amol fongt se stottan on und stiabt ob.... donn noch 2 oda 3 mol, und donn semma drauf kummen das eigentlich nua da benz leer sein konn.... natuerlich glei beim JP aufgsprungen, zu hittn, seil gholt, zruck und ob damit.... woan zwoa lei ca 30 meta, oba wos tuat ma nit olles..... :-D
jo, muagn gibts hot dogs mit in de schul wal heit a poa wiaschtl uebrig gebliebn sen, gfrei mi schon drauf :-)
2 neie buelda hob i a wieda einegstoellt.
so, i glab des woas wieda, bis muagn, eia chris