donnastog

heit woa wieda a normala schultog, in mathe hob i wieda gschlofn, in tuanen homma jz an ondan lehra imma vatretung und i hob sogoa mitspueln kennen.
woa naemlich lei so a oat baseball, nua ohne lafn, nua schiassn und fongen.
woa gonz kamot wieda amol mitzanspueln.
daham hob i mitn erstn assignment (hausuebung de ma obgebn muas) fia enlisch ongfongen, i hob anfoch an liedtext gschriebn, weat schon pass. auf zettl is holt balade gstondn...
zan essn hots heit rippalan mit reis und salot gebn, und es woa dos erste mol das ma bei togesliacht gessn hom. naextn somstog wean de uhrn vastoellt. in kolumbien gibts nit nua kane johreszeitn, do gibts a ka zeitumstoellung, und de toge sen nit untaschiedlich so wie bei uns, bei denen geht imma, dos gonze joha de sun umma 7e auf und umma 7e wieda unta.... irgndwie fad...
nojo, donn hot da todd mitn oltn skidoo an schlittn gholt, soelbst gebaut, olles aus holz und urolt.... ea steckt naemlich imma de wege im winta ob, mit so 2 bis 3 meta longe steckn, nua heia hot ea drauf vagessn... sunst mocht eas imma schon im fruahjoha....
auf jedn foll miasn de dos do soelba mochn, (zitat) da todd mocht dos nit wal ea buergamasta is, sondan wal ea da todd is. ea hot sich holt aufs skidoo gsetzt, i in den schlittn und da JP hintn drauf gstoellt. donn is los gongan de rumplpartie... i glab i wea muagn in da schul stehn miasn, wal ma da hintan so weh tuat......
oba es woa a traum, es woa kolt, a windaschene nocht, man hot sogoa de muelchstrossn segn kennen (wenn ma was wo se is), donn dos das ma nit wirklich was wo ma is, im scheinwerfalicht nua unendliche weitn von schnee und nichts.... es woa anfoch a traum.
olles in ollem homma so ca 30 steckn einegschlogn, und teilweise is dos goa nit so leicht, wal de schneeschicht jo doch ca 1 bis 1,5 meta dick is und stanhoat.. i bin aufn schlittn gstondn, da todd hot den steckn ongspitzt und i hob donn mitn homma vasenkt... i glab schreibn wea i muagn lei mit links kennen... im stehn... :-D
waehrendn foan hob i holt mitn JP gratscht und wenns dem an im stehn zbled woan is homma holt gwexlt.... mitn foatwind is es schon saukolt.....
i hob sogoa a poa buelda gmocht, nua woa da scheinwerfer des anzige liacht, do sig ma nirgends wos... i wuenscht echt i kennt eich des zagn, es is anfoch a traum.. da JP hots giuat beschriebn: wenns nit so oaschkolt warat tat i mi do healegn und anfoch lei in de luft schaun fia a poa tog :-)
wia vastehn uns echt volle guat.
zruck daham homma noch a liabn eiszopfn gfundn, a bueld is eh drinnen (da JP is ca 1,85m).
muagn gibts hoffentlich wos zan tan, i mecht nit daham huckn... heit is eh da jacob vuabei kummen und wollt das ma mit auf an skidoo trip gehn, oba wia hom endlich amol des fia de schul mochn miasn.....
so, is eh laenga woan als i gedocht hob, bis muagn donn, eia cri