ein schoener sonntag

i bin wieda wie imma umma 12e aufgstondn und hob geduscht, donn hots eh schon essn gebn, a guate nudlsuppn, an toast mit irgndana fuellung dazua und als nochspeis sooo an guatbn muas aus schlog und erdbeer etwos...........
donn semma eh glei bold aufs skidoo gsessn, wia sen naemlich zum "the viking" gfoan, dos sen ca 30 km, also semma a guate stund gfoan, 7 skidoos, teilweise amol 10 minutn nua ueba an see mit guate 80 km/h... anfoch a traum.... wia hom an zwischnstop bei da (diesmol echtn) cabin gmocht, wo se pokern und so...
beim viking, dos is a echte bar, so ca wie a pub, homma donn ane chicken wings gessn und holt wieda vadammt vuel gratscht... woa echt kamot, und umma 6e semma donn wieda gfoan,
do woas donn schon echt ziemlich finsta, oba woa cool zan foan, amol sen auf amol mittn im weg (im wold) 2 moose kamot dahin spaziert, da todd is lei stehn gebliebn und hot uns holt gsog wia solln vuasichtig sein..... nochdem ma uns auf 5 meta gnaeert hom sen se glei in de wueldnis obghaut, woa oba echt liab zan onschaun, wie so a paarle, 2 moose einsom auf an woldweg in da nocht.....
natuerlich hots a wieda an stop bei der hittn gebn, do semma donn a a weane gebleibn und wia sen eh olle fost eingschlofn..... es woa anfoch jeda so fertig, dos skidoo foan is echt onstrenged.... donn semma mit an ziemlichn tempo ham und amol a weane nieda glegn, dos woa echt fein.
donn hot de kayla wieda gschriebn und wia sen zu ian gfoan und hom into the wild ongschaut. obwohl ma des buach nit so getaugt hot woa da fuelm echt vadammt guat.
donn homma noch a poa witzige pannen videos von meina festplottn ongschaut und um 3e semma wieda vom todd gholt woan.....
und jetz bin i anfoch sooo fertig, i wea lei noch schnoell de buelda eine stoelln und donn ob in de harpfn...
guate nocht, eia chris