Entschuldigung!!!

entschuldigung das i gestan nix mehr einegschriebn hob, oba um 4e in da fruha hob i anfoch neama kennen....
oba de party woa anfoch hommageil!!!!
es woa sooooooo a gaude, wia hom anige spiele gspuelt (de jugendlichen wean woscheinlich wissn wos i mahn....) wie zB ride the bus, f**k up, bullshit..... woa echt anfoch homma.... wia sen so ca umma 7e umme gongen, und um 4e oda so wieda ham kummen..... zwischnduach woama umma 11e amol mitn skidoo untawegs, und i bin gfoan... i hob dem peter folgn miasn, dea hotn JP obn ghob und i den jacob, natuerlich hot da peter mehr afohrung und a des schnoellare skidoo, also semma holt nit so richtig mitkummen, donn hots uns noch 2 mol dribagedraht...... woa a ziemliche chaoten tour.... oba ausn lochn semma neama ausa kummen..... donn is da peter steckn gebliebn wal ea a obkueazung nehman wollt..... noch ana 1/4 stund homma des ding endlich herausn ghob.... woa oba olles ondre als leicht......... zruck donn homma noch a weane gspuelt, bis donn kana mehr wollt und donn is auf amol de vicki do!!! des is de tochta von todd und lorna, de is auf amol mit ian freind aufgetaucht und da JP is mit senen im auto hamgfoan, i bin zfuass gongen.... woa naemlich echt a wundaschene nocht, i hob eh a poa buelda vom mond gmocht. i haett nit gedocht das da blitz do so vuel ausmocht... ueba de party kennt i soooooooooo vuel schreibn, leida hob i de zeit (und a de lust) nit, oba aus de buelda kennts eh aniges ausa lesn....
gestan woa sunst nit vuel, i bin erst um holba 2 am nochmittog aufgstondn, da JP noch spaeta.... donn homma a weane mitn todd und da lorna gratscht und donn woama am PC. i hob mit da kayla, ana aus unsra klass gechattet und jetz homma echt schon vadammt vuele freinde...

heit bin i um 11:40 gweckt woan.... aufgstondn und glei zum fruehstueck an truthohn..... es woan a poa leit einglodn wegn lorna ian gebuatstog..... woa recht lustig, anige sen naemlich schon oelta und denen fahln schon a poa zaehn, is hoat de zan vastehn.... und de mom vom todd hot soooooooooooo a freid mit mia, wal i so vuel iss.... des woa a weane bled, wal i mog truthohn nit, dea is ma anfoch zu trockn....
oba i hob mit vuel wossa olles obedaspuehlt und de omi hot a freid ghob. und de tante von da lorna woa sooooo intressiert, de hot uns so ausgfratschlt, ueba unsare laenda und unsre familien....
und noch wos ondres wos do volle oag is: drogn. man glabt imma de sen do nit so, zB raucht do fost kana, a bei de jugendlichen, wia hom lei 2 raucha in da klass. des is jo guat, oba des woa se do gua sen gleichn se mit ondren sochn wieda aus: de rauch fost olle gros...... des hot mi irgndwie echt schockiert, oba goa nit de jugendlichen oda so, de awochsenen, in griquet is des total oag.... du konnst redn mit wemst wuellst, fost bei jedn rauchn de oeltan gros. i schreib dos damit ia segts das des nit des wundalond is, oba es woa eigentlich de anzige schlechte akenntnis de i do gmocht hob.... nua das ia wissts, es is nit olles wie im 7en himml....
oba nit das ia jetz gschockt seits, oda eich suagn um mi mochts!!! i mecht anfoch nua de woaheit sogn, wies is.
heit weama woascheinlich noch in de hittn ause gehn und schaun ob da 3radla geht, sunst is heit anfoch relaxing.
wenn noch wos is schreib is am obnd noch dazua, i glab oba eha nit.... buelda sen an poa neie drin!!
so donn, ma hoert, oda bessa liest sich

PS: fuer mei klass: i bin a tonznberga und i bin stolz drauf!! und i kumm zruck, nit so wie da hans, darauf kennts wettn!!!!!!!!!!