mittwoch

also heit homma in da frua unsre geo assignments obgebn mias, des woa oba a schas wal wia se aufn laptop ghob hom, wioa hom se jo nit druckn kennan.
donnn semma holt in computerraum und homs duat ausgedruckt, dawal sen schon schen 20 min von da erstn stund vagongan.
maugn homma nua de letztn 2 stund schul und do weamam woascheinlich a nit gehn, wal es foat ka bus und i was nit ob uns da todd oda de lorna fian konn... oba weama schon segn.
heit homma in art (zeichnen/werkn) wos geiles ongfongen, mit an ziemlich wachn droht a skulptur formen, de donn mit zeitungspapier und gips uebazogn und lackiert weat.
i hob natuerlich an fechta gmocht, i muas sogn ea schaut dawal schon ziemlich guat aus (bueld is auf da bueldaseitn!!).
in gym hob i heit a foto vom turnsool mit olle leit gmocht,nua da varrick und da shannon fahln auf dem bueld.... do sen maedls und berschn nit getrennt.
beim hamfoan homma shcon gmerkt das es vadammt windig is, oba wo i ausn bus ausgstiegn bin hots mi echt amol an meta vasetzt.... und am schulgelaende gibts jetz a volle de probleme, wals jo imma so woam woa is olles zu schneematsch wuan und heit hots oba wieda -15 grad und soooo an wind gebn, jetz haettast am schulhof (der eigentlich da parkplotz is) eislafn kennen, do sen natuerlich anige autos haengen gebliebn..... da bus zum glick nit....
zum essn hots daham donn hendl gebn, a gonzes und dos is do echt perfekt:
da JP mog den obaschenkl am liabst, i den untschenkl, da todd de fliegalan und de lorna de brust.... geht such perfekt aus.
nojo, nochdem wia jo sehr vuel am pc sitzn und schon olles megliche an online spiele probiert hom, hob i amol mei festplottn aktiviert und donn glei amol CS und a passendes mappack installiert.. jetz bin i grod beim worms 4 lodn und donn weama uebas wlan schon a gaude hobn...
am obnd woama wieda bei da kayla einglodn, wia hom eh nit gwusst wos tuan und duat hommma holt a weane koatngspuelt und so..... ans woa ziemlich witzig: wo wia beim ummefoan ausn haus kummen sen is sooo a wind gongen das dos auto mit bremsn schon a weane grutscht is, und da JP hots sich nit da holtn und is mit seine skaterschuha ueban gonzn parkplotz vua unsam haus grutscht und donn volle in an schneehoga eine...... woa a bissl a peinlicha auftritt vua de maedls, oba anfoch zum wegschiabn.... :-D
nochdem ma hamkummen sen homma uns noch a folge criminal minds mit da lorna ongschaut, da todd woa wieda in da cabin pokern, donn homma uns ans worms gmocht, dawal lafts oba noch nit so richtig, i muas east schaun wo i den crack hob..... oba muagn homma eh zeit..... wia hom woascheinlich a noch den freitog frei, wal wieda schnee kummt.. i love canada :-D
und montog homma an scheduled holiday, also an schulautonoman feiatog.... dos wear a longes und geiles wochenend!!!!
so donn, i moeld mi muagn wieda
eia chris

PS: i tat mi a wieda amol ueba a poa e-mails von meine freinde frein, olle hom imma gmant i wea glei bold amol aufhean zan schreibn, bis jetz hob i oba schen duachgholtn :-)
also bitte schreibts ma amol a mail oda im skype oda gehts amol on, so gegn 8e, 9e am obnd (bei eich) bin i eh oft on.