nua 3 stund

also heit haett ma jo eigentlich frei hob solln, oba wo i aufgstondn bin woa so schen drausn.... :-(
nojo, woa oba trotzdem kamot, wal de erstn 2 stundn volle schnoell vagongen sen und in da drittn stund woas so: i bin do gsessn und da JP hot gsog das es onfong zan schneibn...
natuerlich glei olle volle aufgregt.... dabei woan echt nua a poa flockn, grod das wos in da luft woa.
donn hob i mi kuaz weggedraht vom fensta und noch ca 20 sekundn wieda umme und es hot
obagfetzt das de hoelfte reicht... und inaholb von 15 min is schon de onsoge kummen das noch da in da mittn von da grossn pause de busse foan... also kamot noch da 3en stund hamgfoan...
daham homma scho duach 20 cm schnee stapfn kennan und da bus hot echt probleme ghob beim foan, trotz spikes.... und noch wos: de lenkung von de busse is komisch, des is soooo s grosses geraet und hot ane riesignn rafn, oba da fohra draht dos lenkradl am stond gonz normal mit da hondflaeche.... i wollt eh a poa fotos mochn vom schnee und da londschoft und olln, nua hot mei speichakoatn von da kamera nit mitgspuelt, i hobs oba schon repariert.
wos ma heit noch gheat hom is da da geburtstermin vom baby von unsra turn und mathe lehrin in 13 tog is.... in oesterreich is ma do normal schon in karenz oda so......
donn homma daham mit da lorna a bissl ueba haeusa und so gratscht, des is do soooo vadammt billig... do konnst a klanes haus un 15.000 euro kriagn!!!
so wie todd und lorna sena haus hot ca 150 qm, schaetz i amol, also bade stockwerke zommen, und des is ca 35.000 dolla wert, also ca 25.000 euro!!!!!

jo..... donn zu an ondan thema: wia wolltn heit eigentlich mitn jacob zommen zum peter foan, dea grosse 2 meta riegl, oba donn sen doch olle zum jacob kummen, also semma de 100 meta mit schihosn hoelm und ollm drum und dron mitn skidoo gfoan.... natuerlich mit da betsie, dem ding ohne bremsn... und wia sen draufkummen das des eigentlich nua fia an gedocht is... woa a weane eng... :-D
da todd hot unds noch dazoellt das ma do im prinzip jedes skidoo ohne frogn nehman konn, nua is holt so, wennst wos hin mochst muassts a repariern... dos is do quasi dos inoffizielle gesetz.

nojo, zeast homma holt guitar hero gspuelt, aufn wii, da peter hot naemlich olle next-gen konsoln..... ea hot a des geilste skidoo und olles.... und vadammt dea is guat beim guitar hero!!!! dea spuelt wenn ea echt guat drauf is dragonforce auf hard!!! und auf expert mit ca 75%!!!!
noch und noch sen mehr leit kummen und donn woama holt so 8 leit oda so...
donn homma noch mariokart aufn wii gspuelt und des is echt witzig!!!
i hob noch vasuacht des CS 1.6 auf jacob sen PC zan installiern, oba des is nit glofn.... i hob noch nie, echt nie so an longsomen computer gsegn... obwohl ea an 2,5 Ghz prozessor und fost leere festplottn hot....
nojo, noch ca 3 stund semma donn zan tisch ummegsessn und homma wieda unsre koatnspiele gspuelt... anfoch a gaude ghob.... und donn hot de jenifer ham miasn und ia freind hot se mitn skidoo ham gebrocht und da peter is mitgfoan, also wolltn natuerlich da JP und i a mit... noch ca 4 meta is a higl kummen und duach de varostate federung semma glei driba gekippt..... donn is JP sei fuas noch untan skidoo gwesn und i hob des teil wieda aufhebn kennen.... donn semma holt zruck, homma woascheinlich 3 kilo schnee aus da hosn und de schuha gschittlt und sen wieda einegongen... duat homma mitn JP wieda a echt kamot untaholtung ghob, ueba dos benehmen und so von do... zum beispuel tat ma in kolumbien gleich wie in oesterreich nit am tisch ruelpsn..... bis ueba stierkaempfe homma ollles duachgratscht und wal da peter und da meth so long nit kummen sen wollt ma wia a schon aufbrechn, und donn auf amol sen se kumman...... dos is natuelrich glei weita gongen....
donn woa eigentlich nix aufregendes mehr, schauts eich anfoch wieda de buelda on, do segts eh aniges... ans woa noch geil: bei ride the bus kriag jeda 4 koatn und da JP hot genau 4 ass kriag, des woa da homma.....
nojo, dos hamfoan woa a lustig, jetz um 3e ohne bremsn.... oba wia homs gschofft....
und wia hom sooooo an hunga ghob...... semma holt aufe in de kueche und hom schen noch muesli "gfruehstueckt"... i sieg schon da JP weat muagn nit so frua aufstehn.... :-D
ok donn, e-mails hob i kane mehr von eich kriag, i haett oba schon gern a poa infos wos so in
tonznberg und so obgeht... hoffentlich kriag i bold amol wos!!!
so donn, bis muagn, eia chris