Samstag

i bin heit zwoa schon um 9e aufgstondn, bin oba glei bold wieda zruck ins bett gongen, wals ma nit so guat gongen is....
um 12e oda a weane spaeta bin i donn ausa kummen und hob holt a weane musik ghuacht, eigentlich a lei wal i neama schlofn hob kennen....
de ondan 3e sen donn broomball zuaschaun gfoan noch st. anthony, i hob oba echt ka lust ghob und es warat a nit gscheid gwesn... unsa team hot eh valuan und oaschkolt woas a, alos hob i nit wirklich wos vasammt.
i hob mi holt mit schreibn vagnuegt, hob mi bei wikipedia ongmoeldet und schreib grod mein erstn artikl... do hob i eh gnua freizeit....
zum obndessn is es wieda a weane bessa gongen (und muagn bin i wieda auf den beinen), do homma moose- und beefsteak ghob... mit pommes dazua, woa echt guat.
leida hob i nit wirklich vuel essn kennen, oba dafia iss i beim naextn mol des doppelte :-)
wahrendn essn homma holt ueba wein gredet, und bei denen is wein anfoch jedes alkoholische getraenk dos aus ana frucht gwunnen weat, nit nua aus weintraubn.... oba se sen eh kane weintrinka... da todd steht ziemlich auf weissn rum und whiskey.
eigentlich wollt ma heit jo zu ana broomball party in st anthony gehn, daraus is leida nix woan, irgndwie traurig am somstog obnd daham zan huckn.... :-(
nojo, weat schon wieda bessa wean, muagn weama donn echt a poa rundn mit de geraete (12a und 3radla) ziagn, und am obnd wuell de kayla wieda a dvd schaun....
weama eh segn, i hoff es weat zu mindest bessa als heit.. wobei da heitige tog a not so schlecht woa, i hob aniges an neia musik auf meina festplottn kennen glernt, bin vuel radl gfoan (aufm hometrainer) und hob an artikl fia wikipedia ongfongen, also woas jo eh a sinnvolla tog.
i hoff lei das i muagn wieda mehr zan dazoelln hob.
lg, eia chris

PS: Papa, wennst auuf de mail nit reagierst muass is da holt so schreibn:-) : bitte schick ma a poa buelda vom kochlofn!! hdl