schneefrei........

also heit wollt i grod um 7:20 aufstehn, do hot de lorna gsog es is schneesturmfrei....
i wea mi nit beschwern, donn hob i bis 12e gschlofn und auf amol weckt se mi und mant da bus foat in 20 min zua schul und wia solln uns bealn... i hob donn in 5 min an burger wie den gestan gfuttat..... woa nit grod guat, oba wenigstns hob i wos im mogn ghob....
hae??? do is es naemlich so: wenn am nochmittog wieda geht muas ma (fia 2 stund) wieda in de schul kummen.....
nojo, noch 2 stund semma donn wieda daham gwesn...
donn semma ause in de hittn und hom den 3radla echt zan lafn kriag... alladings nua 3 mol, donn wollt se neama.... wia hom se eine und ause gschobn, de gonze zeit..... und des ding is nit leicht... i hoff wia kriagn se muagn wieda zan lafn...
nojo, de schul woa wieda extrem sponnend... *lach*... und heit homma fisch zum obndessn kriag, woa guat.... und als nochspeis an schokokuchn (so richtig amerikanisch), anfoch geil.
beim essn is ma schon a poa mol aufgfolln, das do des ruepsen und so sochn gonz normal is, man muas nua excuse me sogn, donn passt schon....
und a wenn ana niast sogt kana irgndwos....
und wenn da lehra in de klass kummt, kuemmat des ka schwein... es steht kana auf, jeda ratscht kamot weita, de lehra wischn a olle soelba de tofl.... so kennts bei uns a sein.....
und man konn a waehrend da stund ause gehn und essn holn, oda aufs klo gehn ohne wos zan sogn...
und dea ane, dea uns eingwiesn hot, dea is ka lehra und a ka hausmasta, dea is volle witzig, vaoscht de schuela am laufenden bond, oba holt echt witzig.... und dea is so a bissl so wie unsa administrator, da grollitsch, und ea schaut a irgndwie so aus und hot de gleiche ironie in seim humor...
so, des woas wieda amol von mia
lg, chris