corner brook

heit is sunntog, und wia sen von corner brook ham kummen, oba jetz kummt (fost) de gonze gschicht von vuane (buelda!!!):

also, am freitog semma um 8:50 im regn weg gfoan, hot mi eh gwundat, wal i man, 4 berschn organisiern wos und foan sogoa 10 min friha weg... oag.
joo, wia hom uns holt de meiste zeit mit lauter musik und ratschn und plaene schmiedn vatriebn. de kanadier foan naemlich komplett ohne plan anfoch amol 450 km noch corner brook, weat sich schon wos agebn...:-D
noch ana weile semma amol stehn gebliebn, walma karibus gsegn hom, und sogoa da peter hot schon seit 3 joha kane mehr gsegn, also hommma echt glick ghob.
noch a poa stundn foat semma wieda stehn gebliebn, so ca aufn holbn weg, nua diesmol nit freiwillig... des auto hot streikn ongfongen.... donn homma holt amol gschaut wies mitn oel und wossa und so ausschaut, hot oba olles gepasst, und noch 15-20 min is se wieda normal glofn...
man sigt holt mit jeder stund de ma weita richtung sueden kummt weat da schnee weniga, als erster sen de bama schneefrei, donn sigt ma duat und do schon an bischl gross...
und donn kummen de berge. de sen zwoa nit hoch, oba wenn ma amol 2 1/2 monat nua sio klane higl sigt is ma davon schon ziemlich beeindruckt. man muass a sogn das wia mitn wetta echt schwein ghob hom, imma wundaschen, freitog und somstog, nua am sunntog im nordn is donn schlechta woan.
jo, noch ca 5 stund semma duat onkummen, und holt anfoch amol ummagfoan, dos woa unsa hauptbeschaeftigung. zwischnduach homma uns holt amol wos zan essn gholt, also des gonze wochenend nua fastfood, mcdonalds, kfc, dq, ....
de gonze stodt is holt um de zeit extrem dreckig, ueberoll is laettn und gatsch, wegn da schneeschmoelze.
spaeter semma donn auf 2 hauspartys gongen, des woa recht kamot, nua homma duat holt kan gekonnt und des woa holt a schas. a poa neie leit homma holt kennen glernt.
am naextn tog semma drauf kummen, das da jacob ueberolll seine sochn vastraht hot, handy valuan, camera wo ondas vagessn....
da peter is daham gebliebn, wal er sich jo ausrostn muass, er foat jho am sunntog wieda mitn auto. wia sen dawal holt in an musik lodn gongen, tattoos onschaun, cafe trinkn... des woa volle des geile cafe, de inhoberin woa a recht junge frau, so um de 25, oba volle organisiert, mit internet und ollm drum und dronn, buelda auf da wond, olle von denen zan vakafn.... und endlich amol an echtn cafe!!! de hotn sogoa noch soelba gmohln. tuat echt guat wieda amol an echtn cappuccino trinkn, mit am guatn schaum. da jacob hot natuerlich an canadiana bestoellt, natuerlich keine ahnung wos dos is... im endeffekt woas a riesige tassn voll mit purem schwoazn cafe (bueld!)...
im musik shop homma holt a weane umma gschaut, dem jacob hots des banjo volle ongeton, dem JP a bass gitarr und mia de schwoaz rote e-gitarr. nua holt vuel zu teia....
nojo, nochdem ma ca 10 mol im einkaufszentrum und sunst noch woa woan semma den mathew holn gfoan, an guat freind vom jacob, der am freitog a dabei woa.
jo, donn semma noch am obnd zua brittney gfoan, a weane a reichare.. de wohnt sozusogn auf de beverly hills von corner brook.
bei der homma donn koatn gspuellt und billard und spaeter semma in de stodt gongen. duat hob i an punk getroffn, volle da kamote, da justen. jo, wia hom echt an lustign obnd ghob, am sunntog semma donn lei mehr aufgstondn und glei gfoan, noch deer lake, des is 50 km weit weg. duat homma bei ana rost station gfruehstueckt, so richtig guat, speck, wirschtln, pommes, buttertoast... anfoch a traum.
ham kummen semma volle guat, de zeit is soooo schnoell vagongen (woascheinlich wal i gschlofn hob) und donn hots jo sein miassn, ca 15 km von daham weg kummt uns wer entgegn und foat recht weit do auf unsra seitn, donn woa a noch so a wind das ma de strossn neama gsegn hom.... des auto is schief kummen und i hob lei mehr des schueld gsegn, da peter hot zan glick noch weg darissn, zruck auf de strossn, und donn bam, obe in strossngrobn.... zan glick is kan wos passiert, es woa lei oaschkolt drausn wal so a wind gongen is. oba eigentlich woas eh recht witzig, noch 20 min und 50 leit de frogn ob se hoelfn kennen (und donn glei des holbe dorf onruafn damits glei olle wissn) is da obschlepp wogn kummen, und hot uns ausagezogn. noch ana wal is da wogn a wieda ongsprungen und wia sen ham gfoan.

jo, es woa echt a lustiges und geiles wochenend, bin echt froh das de 2 uns mitgnommen hom und uns da todd und de lorna a alabt hom.
also donn, bis muagn, eia cri