da 50e eintrog

jo, heit homma den 50en eintrog, und i muas sogn, i bin ziemlich stolz auf mi, bis jetz hob i jo brav duachgholtn... a wenn i so wie heite ni wirklich an bock zan schreibn hob, wal ma grod vadammt kolt is, oba i tuas fia eich!! :-)
jo, heit bin i um 11e aufgstondn und do woa de lorna schon weg, sei hot a nochricht hintalossn das sich da plan geaendat hot und sie is in da fruha schon noch corner brook gfoan, und kummt am naextn dienstog wieda zruck.
is irgndwie gonz witzig, 4 maenner in an haus, man(n) kummt sich a weane vua wie in ana studentn WG... zum essn hots zmittog a so a oat gulasch gebn, des woa echt guat.
und es is sowieso witzig, wal ma beim cafe trinkn holt olle irgndwo umma stehn und miteinonda ratschn.

da todd is heit auf a party gongen, alldings hot ea uns nit mitnehmen kennen, wal do so vuele leit sein de nit aus unsare doerfa do sen, und des hot ea holt nit so gern und es warat eh lei longwalig gwesn... ea is uebrigens grod jetz ham kummen (es is 3:17 Uhr)
also hot ea gsog wia diafn a poa leit einlodn, da schas woa lei das da jacob in corner brook is, de kayla und ia freind woan untawegs und sunst woa a kana areichboa....
nua de dayna is donn umma 3e oda 4e kummen, donn homma uns zerst amol mitn todd untaholtn und wo er donn gfoan is homma eh schon an hunga ghob, also homma de laagne ausn kuehlschronk gholt und weg gessn, mit tabasco is de echt a traum....
da todd hot ma grod gsog das ma vagessn hom de kotz zan fuettern.... :-)
nojo, i glab nit das se vom fleisch folln weat... :-D
jo, donn hot de dayna eh ane fuelme mitghobt, also homma uns the eye ongschaut, de is echt a guata fuelm, den kennt i ma 100 mol onschaun....
und danoch noch blood rayne, de woa recht gruslig und sponnend, oba sooo schlecht gmocht und null story...
waehrnd de fuelme homma a packl chips ausgfuttat, mit "rauchigem speck" gschmock... de hom do gschmaeker, davon konn ma in oesterreich lei tramen.. in kolumbien hom se sogoa zitronen chips.....
jo, i glab i hob jetz a freindin a schon do hahaha, nojo, mi solls nit stoern.... :-)
ajo, es sen wieda amol neie buelda drinnen!!
wo i ongfongen hob den eintrog zabn schreibn bin i grod von da dayna hom kummen, wal i se noch begleitet hob... und in de letztn poa tog hots echt vadammt obgekuehlt, zan glick woa heit ka wind...
es woa zwoa nit a somstog wie i ihn ma vuagstoellt haett, oba es woa kamot und a gaude homma a ghob....
mei mum hot ma heit noch a poa rezepte gschickt, damit i do a amol wos kochn konn.... jetz wo de lorna nix do is is des eh guat... und wo i des bueld vom wiener schnitzl gsegn hob hob i schon a weane sehnsucht noch oesterreich kriag :-D
so, i glab des is gnua fia heit, bis muagn, guatn morgn
eia cri