Dienstog-superherotog

heit homma schon gedocht es foan kane busse, de hom naemlich heit 20 minutn vaspaetung ghob.....
es hot naemlich de gonze nocht volle gregnet, donn is da gonze schnee zu eis gfruan und dos woa fia de busse ziemlich bled.... fia uns oba a, des is so wie wenn ma auf an schiefn eislaufplotz geht...
mit 10 minutn vaspaetung semma donn in de schul kummen, gonz schen vuel, normal semma imma a holbe stund vuam leitn in da schul....
heiot woa superhero tog, also sen a poa leit als superman oda batman kummen..... alladings woans lei 10e oda so...
sunst woas a normala tog, a stund homma goa nix gmocht, in musik transformers ongschaut... in art homma mit relieff schnitzn ongfongen, schod das wia ua zeichnen in da schul hom, des is naemlich echt geil wos de do mochn. in mathe woa wieda rechnen und schlofn.... jo, donn woa eh schon wieda um da tog....
wo ma daham ausn bus ausgstiegn sen is uns de gillian, unsa nochbarin mit ian skidoo entgegn kummen..... des ding is der homma.... 600 R mota, power ohne ende, komplett schwoaz, kane pickalan, nua a poa rote auflackierte flommen und a poa rote teile.... schod das sie nit so fesch is wie ia skidoo :-D
daham hob i heit eh gnua zan tan ghob, des flugzeig fertig mochn, a portfolio dafia schreibn, musik fertig mochn.... und muagn donn noch amol art...
es sen eh a poa buelda wieda drinnen, bold weats wieda a neie seitn gebn, kanada 3, also nit wundan. i hob im portfolio gschreibn, das a fliega freiheit ausdfruckn soll...meina schaut leida mehr aus wie a klumpiges unbewegliches ding :-D
nojo, wenigstns hob is, weat schon passn.

zum obndessn hots heit wieda den nudlauflauf gebn, nua diesmol mit schwamalan drinnen, des woa guat, mit a weane tabasco driba.... a traum... jz wea i schon wieda hungrig... :-(
jo, mehr woa heit nit zan dazoelln, nua in englee, des is ca 60 km von uns weg, woa heit nua nochmittiog schul, wal do noch aerga woa mitn schnee, de homs schen...
so donn, bis maugn, eia cri