mittwoch, der 40e eintrog!!

also heit is genau da 40e eintrog, dos hast i bin schon seit 43 tog oda so do.... bist du tepat, de zeit vageht...
kummt ma so vua als ob i letzte wochn east kummen bin... und wenn ma so denkt, mehr als 1/5 von meim aufentholt hob i schon hinta mia... oba mia is de variante liaba: mehr als 3/5 von mein aufentholt do hob i noch vua mia!!!!
heit woa niz los in da schul, de sochn fia english homma obgebn miasn und jo, in workplace safety homma an fuelm ongschaut, des woa wieda amol so zan einschlofn... dea is glab da longwaligste lehra den i je alebt hob...
i konn eich jo amol de lehra beschreibn:
mrs sharon woodward is unsa art&design und englisch lehrin, de is echt volle liab und tuat a voll vuel fia de schuela.
Mr T. hicks, unsa workplacesafety und world geography lehra, is echt zan einschlofn, ea is so wohl a kamota und netta lehra, oba sei oat zan untarichtn....
dea ian nomen konn i noch imma nit, is oba a a recht schwera.... de is gonz kamot und benotet a total leicht, so a richtig anfoche lehrin, mit dea komma a ueba jugendsochn guat redn wal se noch ziemlich jung is und noch dazua sehr jung gebliebn.
de woa a gonz kamot, nix besondres zan sogn.... wennn ma fertig woa hot ma schlofn kennen...
des is a gonz a witziga typ, dea reisst ondauant witze und vaoascht de schuela, und de schueler vaoaschn eam a....
also dea kummt in da fruha imma eina und schaut holt ob olle do sen und jetz mocht ea mit unsra klass de vuabereitungen fia den maturaball.... is a gonz a lustiga typ mit am uroltn tattoo am untaoam, schaut aus als ob ea amol seemonn woa... dea hot uns a gholfn beim auswoehln von de faecha, obwohl do eh nit vuel zan auswoehln woa...
des is da direktor, ca 1,60m hoch und in da bratn fallt a nit vuel auf des... :-D
oba ea is liab, ratscht imma mit uns und jo... mehr was i a nit...
jo, des woas a schon.....
heit woa sunst eh nix mehr los....
zum essn hots so oat kartofflpuffa nua mit fisch gebn, dazua salot und speckgrammalan mit fett, des woa vadammt guat....
und des woas jetz....
bis muagn, eia cri