mittwoch

heit woa nit mei tog.... i hob so schwenig gschlofn, und dos wos i gschlofn hob woa vadammt schlecht, ka ohnung wos do los woa...
heite homma leida wieda hungan miasn, wal de lorna vaschlofn hot.. also hungan is natuerlich uebertriebn, oba wia hom holt in der eile lei a microwoelln dings gnommen.
jo, de erstn 2 stund woan quasi ewig, de zeit wollt nit vagehn, i man, wps is eh kloa, oba donn noch gym, und do homma lei in da klass gredet wos ma, bzw de, olles untanehmen wean, also hob i holt vasuacht zan schlofn, oba ka chance... und de zeit wollt anfoch nit vagehn.
alladibngs hob i auf mei presentation in wps endlich de notn kriag (jo, de presentation de i vua ca an monat gholtn hob, folls sich noch wer arinnan konn), und zwoa a 8.5 von 10 punkte... passt perfekt.
jo, in musik homma den fuelm weita gschaut, behind enemy lines, is nit so a top fuelm, oba sponnend.. und noch an ondren ongfongen schaun, alladings woa dos echt a dreck.... und danoch, in da letztn stund, mathe test... und der test woa ondas als i man vuagstoellt hob: ca 15 seitn, multiple choice, alladings muas ma den grossteuil jo trotzdem rechnen, und olles in ollm woans ca 70 beispiele... fertig is eh nnua da varrick woan, oba a leo wal er de letztn 5 seitn auf guat glick ongekreizlt hot.
de lehrin hot eh gsog das se de letztn 10 frogn nit normal benotet, do hot se anfoch zvuel gebn.... donn woan a noch a poa sochn dabei de i noch nie ghert hob und im woerterbuach a ka uebastzung gfundn hob... also woa echt nit so toll... oba weat schon schief gehn....
nojo, jetz ratschma echt schon volle kamot und da JP und i sen schon mehr eingebund als de helen (schuelerin aus hongkong), wal ma anfoch so vuel ratschn, jetz bin i a schon volle guat mit da monica.... und es sen echt olle so liab....
jo, daham donn woa zerst nit vuel los, de lorna hot mitn JP a nochspeiss fia heit grichtet...
also wos anfocheres hob i noch nie gsegn: klane marshmallows nehmen, schokolade schmoelzn, de schokolade mit a weane butter (margerine) vamischn und de gleiche menge erdnussbutter wie schoko dazua, donn olles zommenhaun und duachknetn, ob in de kuehlschronk und fertig...
in 5 min fertig, alladings muass i sogn, i find de amerikanische erfindung "schoko + erdnussbutter" nit so besonders... a klanes stickl geht, oba donn reichts...
jo, daham donn noch fia muagn world geography lernen, und donn is de wochn eh wieda um, so wie imma... de zeit vageht so unglaublich schnoell, i hob schon fost wieda ongst vuam hamfoan :-D

jo, sunst gibts nix neies, nua ans noch, wos mi echt sehr beeindruckt:

bei uns mog i de nochrichtn goa neama schaun, wals imma nua um kindesmissbrauch, mord und todschlog geht... so wie imma olle sogn, das es in kanada so friedlich und so schen is, zB im fuelm "Bowling for Columbine", das olle tian offn sein, und obwohl olle a gwehr daham hom fost nie wos passiert, wals in de nochrichtn gebrocht weat, ES IS ECHT SO!!!
dos is echt unglaublich, oba dos schrecklichste wos i bis jetz do gsegn hob in de nochrichtn is das a eisbaer an menschn attackiert hot.
jetz zum beispuel is grod amol a helikopter mit 15 menschn an bord and der ostkueste von neifundlond obgstiazt, und im kanadaweitn nochrichtnsender cbc homse 3 min nua an fuelm mit musik gebrocht, zum gedenken an de verstorbenen. also dos find i echt bewundernswert!!!

i hoff das besocndas dos vuele leit lesn.
bis muagn, eia cri