jo, de zeit vageht vadammt schnoell, heot is schon wieda mitwoch und freitog homma woascheinlich goa ka schul. also is de wochn eh quasi schon wieda umma.
heit in da fruha woas recht lustig, da bus is imma longsoma wuan und is donn stehn gebliebn, i hob donn noch vuane gschaut und do is a moose direkt vuam bus dahin gongen. oba so richtig kamot holt, echt volle liab. nochdem suns 5 minutn gebremst hot is es noch rechts obngebogn (oba ohne blinka :-D) und wieda ause in de wueldnis.
in da schul woa eigentlich goa nix los, nua in da letztn stund sen de in gym ause gongen schlittn foan, dawal bin i in computer raum gongen.
in art homma wieda mit dem lehm oda ton oda wos a imma des is weita geknetet.
und dos woas donn eigentlich a schon.
in englisch homma jetz wieda a neies buach zan lesn kriag, und wal da JP und i schon fertig sen mit dem cartoon hob i glesn, jetz bin i schon auf seite 55.
is a gonz guates buach, muass i sogn, behondlt holt a poa jugend themen.
daham donn woa nit so sonderlich vuel los, nua das es vadammt woam is, +1 grad. oba wenigstns is dos eis auf da strossn weg, so das ma wieda gehn konn.
essn woa heit leberkaese mit bohnen, a richtiges newfie essn wie se holt sogn.
danoch hob i lei mehr a weane gechattet und mitn rampe endlich wieda amol gratscht.
und dos woas a schon wieda fia heit.
bis muagn donn, eia cri
Abonnieren
Kommentare zum Post (Atom)
Hallo Mangale, heit homma Kortn für das Eishockey-Finalspül KAC:Redbulls und i bin schon gsponnt, ob der KAC noch der 2:7 Niederloge vom Dienstog in Salzburg jetz endlich munter is und wieda Vollgas gibt. Am 1. 4. homma donn mit da Mama Kortn fürs Fusball-Länderspül gegen Rumänien und i frei mi a schon drauf, weil der Didi Constantini a vollkommen neue Monnschoft präsentieren will. Do könn ma eh nur bessa werdn, noch de Leistungen der letzten Johre. Wir wortn jetz a schon hort aufs "Cabrio-Wetter" oba es wird und wird nit so richtig worm. Ich hoff, doss mitn Mondwechsl am 28. donn endlich Fruajohr werd - es kribbelt und krabbelt eh schon überoll. Ob du´s glabst oda nit, ih moch vielleicht am Wochenende an Gitarrenkurs für Onfänger, donn konn ih´s dir zagn, wenn du wieda do bist. Bin schon gsponnt wie des werd. So jetz mias ma los in die Eishockeyhalle - a schene Zeit wünscht dir diesmol gonz besonders "dei Lieblings-Papa" und natürlich a die Mama
AntwortenLöschen