Montog

heit woa a ziemlich kuhler montog, da todd woa holt glei ziemlich fruha ausa haus, i hob um 6e neama schlofn kennen und de lorna hot gsog heit miasma nit in de schul gehn...
es sen sowieso so vuele leit nit gongen, muagn weats woscheinlich a nit bessa wean, aufm superhero tog... de meistn kummen woascheinlich als superman, a poa als spiderman...
nojo, wia sen holt so gegn holba 10e noch st anthony gfoan und hom uns im kronknhaus mit da verena getroff..... hot guat geton wieda amol deitsch zan redn, ohne skype und dem olln..
im woateraum homma ca 2 stund zlong gwoatet und des snzige wos da oazt donn gsog hot woa: kumm in 2 wochn wieda, donn schneid ma da den gips woascheinlich oba...
und dafia 3 stund woatn.... nojo, sie is donn mit uns 3e noch a pizza essn gongen. da JP hot endlich wos gfundn wos von da groesse hea genau fia eam passt: 2 klane 6inch pizzen.... ea is naemlich echt a klana esser. de lorna hot a 9" und de verena und i zommen a 15" gessn, des woa oba echt gnua... de lorna is noch einkafn gongen und wia hom noch a weane gratscht......
um 13:30 is se donn obgholt woan, da JP und i semma noch wos suesses als klanes dankeschoen fia todd und lorna kafn gongen und donn semma wieda ham gfoan..... i hob aufn weg ham meine augn anfoch nit offn daholtn, woa oba nit miad... des is echt grausom wenn de luft so trockn is und donn noch so hoell dazua....
daham donn homma eigtl nitvuel wos geton, spaeta amol homma unsre assignments (also de skulpturen) fia art gmocht, und dea fliega is goa nit so leicht... da JP hots do bessa mit seim schwert.... oba muagn wea is schon fertog damochn...
in letzta zeit hob i wieda anige mails von anige leit von da schul kriag, de hot mi echt gfreit!!
DANKE!! (des hasst jetz oba nit das wieda aufhean sollts :-) umso mehr desto bessa)
so, muagn weat woascheinlich so vuel zan dazoelln sein, amol schaun
ajo, ans noch: wia hom noch a lorna in unsra klass und dea homse heit a brutale gschicht dazoellt wal wia nix in da schul woan: da JP und i haettn betrunkn des auto vom todd gnommen und waratn hamgschickt woan.... und de hot des geglabt a noch.... is ma amol an tog nit in da schul weat ma glei zan kriminoeln.... nojo, jetz passts wieda, man hot sie aufgeklaert.....
ok donn, bis maugn, eia cri