montog

dos woa a zacha montog.... in da fruha ka lorna de de jausn richtat...
zan glick woa meine noch von freitog guat... muagn kummt se eh wieda.
jo, heit woa in da schul nit vuela zan tan, i hob endlich mei schnitzarei fertig damocht, und i bin sooooo froh driba, des woa echt a schas, auf da anen seitn woa des holz so wach wie butta, auf da ondren so hoat dasd wieda a so gebraucht host.... leida is ma a oam obgebrochn, oba des weat wohl nit so schlimm wean.... bin naexte wochn miasma wieda wos daham mochn, wia wean woascheinlich aus safn schnitzn.. i hoff des geht bessa...
ajo, gestan bei dem guatn fruehstueck hob i ma de zohnspongen (da droht untn) komplett ausa grissn.... jetz ziagn de zaehn ziemlich und es is holt a weane rau.
jo, wo ma heite ham kummen sen woa wieda 15 cm mehr schnee. jo, so gegn 4e hot de omi ongruafn und gfrog ob ma schon hungrig sen bzw wonn da todd ham kummt.
wo ea ham kummen is semma eh glei umme gongen, left overs von gestan essn.
woa wieda amol vadammt guat, besondas de nochspeiss, de kuchn mit der sauce is a traum!!!
jo, hetz is dos mit meina freindin wohl fix, wies ausschaut, heit sen schon de nochrichtn eina kummen: a seits ia jetz zommen?? nojo, solls so sein.
nochn essn hom da JP und i noch an laengeren spaziergong gmocht, so ca 40 minutn.... des reicht schon wenns draussn -15 mit wind und schnee hot....
jo, daham donn woa neama so vuel los, de wochn weat holt vadammt long, muagn 2 tests, am mittwoch an und am donnastog noch an....
nojo, weat schon schief gehn....
also donn, bis muagn, eia cri