montog

heit woa echt a kamota montog.
de erste stund homma gym ghob, do homma lei wos ausn buach obschreibn miassn.
donn wps, woa a recht kamot, wal ma lei gratscht hom. danotch noch musik, also homma the fast and the furious fertig gschaut.
und wenn de lunchtime amol do is is da tog eh schon so guat wie vuabei.
in mathe homma holt a weane grechnet, und in art holt wieda gwerklt.
daham donn hot uns da todd nochn essn (left overs von de left overs) gfrog ob ma eam hoelfn kennen, holz von da hittn ins haus zan trogn.. i hob zerst mitn todd mit schaufl und hockn de stiagn enteist, soguats holt gongen is, und donn homma ca 3 stund holz mit da radltrogn ummegfiat und in hazraum glogat... de hoelfte homma ca dapockt, den rest mochma muagn.. mia tuat eh da recht oberschenkl so weh, amol bin i ausgrutscht und bin schon mit dahueftn aufs eis gflognm, tuat dos schon nit guat, und donn fliagt ma noch so a 12 kilo holz scheita genau mit da kantn auf de innenseitn vom oberschenkl, genau do wo da muskl is... oba is nix schlimmes passiert, weat schon wieda wean.
dawal hot da todd de hittn ausgramt, de skidoos obgedeckt, wals stuermisch weat, und a bueld is eh drinnen, da JP und i hom uns schon imma gfrog wie hoat da schnee do obn auf da schneebonk wohl is, jezt wiss mas: wenn da todd + skidoo nit mehr als 5 cm einsinkt, sehr haot...
oba fleisig woama echt, olles zommen homma 2 1/2 tristn aufgebaut, wobei ane ca 2 meta long und 3 meat hoch is.
do hazn se holt olles mit, egal ob dos holz noss is, obs schimmlt, olles kummt eine...
jo, danoch hob i ma noch an cheesecake gegoennt, ka ohnung warum der so hast, wal mit kas hot dea nix zan tan...
heit woa ziemlich woam, wia hom +1 grad ghob, und da schnee auf da strossn is weg gschmolzn... alladings is jetz holt eis uebaroll. oba vua da hittn is sogoa schon dos erste gros sichtbor.
ok donn, bis muagn, eia cri