somstog

heit hob i vuel zan dazoelln!!!
also, um 7:55 is da todd ins zimma kummen und hot gfog ob i mit auf an skidoo trip kummen wuell, i man, do komma anfoch nit na sogn...
meistns woama so 6-7 skidoos, i mitn todd, da claiton (todd sei bruada), claiton sei sohn, der is echt volle liab, todd sei schwesta, de ma a zan erstn mol gsegn hom. echt olles gonz liabe leit.
wenn amol woa a ebene woa hom sich da todd und sei neffe imma a klanes rennen gebn, also woas fia mi echt lustig.
da todd is uebahaup da beste, dea is de gonze zeit, echt imma, mit offenen hoelm gfoan... des is echt irre, wie obghaertet dea is, mia hom de augnbraun und dos holbe gsicht schon so weh geton beim ham foan wals imma einagezogn hot. und der hot oba an hoelm wost den gonzn vuadaren teil hochkloppst.... und in de gonzn 5 stund, egal ob mit oda ohne wind, egal ob bei 10 oda 120 km/h, der is de gonze zeit mit offenen hoelm gfoa. und kana bruelln oda so....
jo, um 8:20 oda so semma a schon weggfoan, ohne fruehstuck, oba noch st anthony, des hasst wia woan ca 1 1/2 stund untawegs, duat semma donn zum grenfelkl center, da grenfell woa da erste oazt do herobn und quasi da gruender von dem kronknhaus.
duat hom sich olle mit am eigenen skidoo ongmoldet fia den grenfell ride, des is a spass rennen, mit anigen preisn, zB am bueld, guatscheine bis zu 100 $ und olles megliche. duat homma donn um 5$ noch gfruehstueckt, des is quasi so a grosse organisation und de mochn do echt aniges, also a ausfluege und so.
fruehstueck woa leberkas, eierspeiss, de klanen erdaepfl stickln und toast, dazua holt soft und cafe, mit soelbstbedihnung. hot echt guat geton endlich wos im mogn zu hobn.
jo, donn homma uns aufn weg zruck noch st lunaire griquet gmocht und weita auf den noerdlichsten punkt von neufundlond, echt a traum do obn (es sen wieda buelda drinnen), 2 eisberge homma in der ferne gsegn und holt olles schroffes gelaende, also echt nua foelsn und schnee und eis und eisplottn de longsom im atlantik treibn. da schnee is duat uebaroll so hoat wegsn koltn wind, das sogoa da todd gehn konn ohne das er nua an cm einsinkt. von do aus sigt ma a schen noch labrador, also aufs festlond, und auf so a klane insl de ca 80 km weit weg is. alladings wohnt duat kana wal de insl echt so klan is, do steht lei a leichtturm drobn, gleich wie do wo wir gstondn sen.
noch ca ana 1/2 stund homma uns wieda aufn weg gmocht, do woama echt schon a weane fertig, semma holt noch L'anse aux meadows gfoan, dos uis da noerdlichste ort do, ca 15 km weg fon da gunners cove.
duat semma in de legendaere bar gongen (a lei wals de anzige bar weit und breit is) und hom wos getrunkn. des woa echt kamot. do hot grod a life band gspuelt, so richtig im newfie style :-D
alladings hot man sich so wie beim bass spueler echt gfrogt wos der do tuat, also teilweise hom se echt lei a weane uma gezupft... :-D
jo, donn wolltma eigentlich ham foan, hom oba noch an klanen zwischnstop bei da cabin gmocht, do woa oba kana und eighatzt woa a nit, also semma bold wieda weita.
daham donn hob i mi lei ummeghaut und woa sooo miad, wia sen olles zommen ca 5 stund untawegs gwesn, also ca 120 km, dos is echt onstrengend wal ma sich jo imma vole guat festholtn muass und es dauant auf und ob geht. de ondan sen glei weita, wieda zua cabin und hom mitn pokern ongfongen, des hom da JP und i neama dapockt....
jo, daham donn woa nit vuel los, zan essn hots lei chicken nuggets und wings mit pommes gebn, wal da todd eh nix daham woa. i hob donn noch den comic fia english wos ma mochn miasn fertig gmocht, endlich, muagn muass i eh noch de seifbn fertig schnitzn und a english assignment fertig mochn, guat das i musik schon long hob.
jo, spaeter is donn de dayna kummen, donn semma, wal sunst nix los woa, mit da lorna noch st anthony gfoan auf an cafe, hom uns guat untaholtn und beim hamfoan homma amol stehn bleibn miasn wal ana auf da strossn an plottn ghob hot...
se hom um a pump gfrog, und i hob gedocht an wognheber, wal wos wean se denn mit ana pumpn....
da JP und i hom also den wognheba ausn kofferraum gholt und sen zruck gongen. de woan a frau und drei maenner, hom oba nit amol de schraubn oba gebrocht, i hob se donn oba dadraht und der ane hot lei gmant, ups, i hob se in de folsche richtung gedraht.. se hom donn oba eh gsog das se von deer lake sen, also stodt menschn :-D
jo, des radl homma nit obagebrocht, wia hom mit ana hockn volle auf de foelgn gedroschn und echt olles probiert, oba der diaft echt fest grostet sein, anfoch ka chance.
waehrndn umma probiern homse ebn gfrogt bei wos fia ana werkstott wia amol geoabeitet hom das ma uns so guat auskennen, i hob lei gsog de werkstott weat ea nit kennen, de is in oesterreich... donn woan se gonz ausm heinsln, wie se afoan hom das wia austausch schueler sen hahaha.
de wolltn alladings echt a pumpn hobn, damit se den rafn aufpumpn kennen und zruck noch st anthony foan kennen, oba des warat nie gongen, de rafn woa komplett leer. am ende hom se sich volle liab bedonkt und sen auf da foelgn zruck gfoan...
jo, daham donn homma amol haend woschn miassn und donn homma noch fernsehn gschaut....
und jetz um 1:30 hob i noch de dayna ham begleitet.
i wea schaun das i den comic irgndwie ins internet stoelln konn, muas i oba erst schaun.
ok donn, muagn is seigentlich der fischen wettbewerb, oba es hot ghasn dafia miasma um 6e aufstehn, und dos tua i ma siha nit on :-D
donn bis muagn, eia cri

und nit vagessn de buelda onschaun!!!