TGIF

longsom weats schon fost schwer auf deitsch zan redn oda schreibn, wal i echt schon volle aufs englisch gwehnt bin.
heit woa in da schul nit vuel, wia hom nua workplace safety, musik und mathe ghob, in musik homma diesmol kan fernsehr ghob, do homma anfoch olle wieda kamot gratscht, in mathe hob i mei assignment fia montog fertig gmocht und wieda guat gschlofn....
und in WPS homma natuerlich wieda gschreibn und ane frogn de ma zum test am freitog kriagn ausgoabeitet...
in da grossn pause semma ham gfoan, wal danoch lei mehr activities woan, also spiele im turnsool und i konn do mit meim knia sowieso nix mochn, also semma mitn jacob mit ham gfoan.

daham hob i ma 3 vadammt guate fuelme ongschaut, donn gessn, wieda left-overs, also hendl, steaks und auflauf... i hob wieda volle zualongt, so wie letztes mol hob i 2 echt grosse steaks gessn und diesmol a steak und noch an haufn von dem auflauf drauf und danoch noch a eis, woa echt volle guat.
spaeta donn homma den jacob ongruafn wos heit so los is, oba es woa echt tote hosn.....
ea hot uns oba mitn auto obgholt und donn semma zerst zum peter gfoan, de tia woa oba zua desholb semma duach de garage einegongen (de ma zerst amol aufbringen hom miasn). ka ongst, des is do gonz normal, da jacob hot uns dazoellt, das wennst do spaziern gehst und miad weast gehst anfoch zan naextn haus und gehst eine, legst di nieda und passt.... do sen sowieso olle tian imma offn und es kuemmat a kan, wal eh jeda jedn kennt...
jo, donn semma wieda zruck gfoan, duach de gunners cove, duach griquet und weita noch st anthony, dos sen ca 50 km.... oba do is des gonz normla amol a stund wohin zan foan.....
duat semma zum tim hortons auf an cafe gongen und hom holt duat, und de gonze foat ueba, ueba maedls in oesterreich, kolumbien und canada gratscht, donn wieda zruck ham in de gunners cove und eine zum jacob und hom wos getrunkn. spaeta homma uns auf facebook und piczo buelda von unsre freinde ongschaut und weita ueba maedls gratscht.
woa nit so aufregend, oba es woa a kamota obnd.
und jetz um 1 semma hamglatscht, und eigentlich semma eh schon miad......

de lorna hot uns ane oltn buelda von senen bei da hochzeit und so gezagt, echt volle liab..... vua ollm da todd, wo ea noch schwoaze hoa und ca 40 kilo weniga ghob hot... :-)
donn noch des letzte bueld von lorna ian opa, dea is 105 joha olt wuan!!!
jo, dos woas donn a schon fia heit, hoffentlich is muagn wos los und wal i jetz nix mehr zan tan hob lies i ma (auf papa sei onweisung folgend) des olles noch amol duach damit ia mein dialekt nit noch mit tipfehla lesn miassts :-)
guate nocht, eia cri

do woan eh fost kane fehla drinnen :-D