mittwoch

ups, gestan hob i vagessn wos schreibn. nojo, amol deaf mia a a fehla untalafn, nit amol i bin perfekt :-D
es woa oba eh nix los. an test in art homma ghob....
und den turnsool gschmueckt fia de matura valeihung, der schaut schon recht krass aus. also so a oaga aufwond fia de 2 stund wos de valeihung dauat..... nojo, wia hom holt gestan gschlofn und heit a weane beim herrichtn gholfn.

ajo, dos wetta is a traum, es hot wieda amol obgekuehlt auf ongenehme -3 grad und weia hom wieda guate 25 cm schnee kriag.
dazua hob i am somstog de jackn beim jacob vagessn und bin heit mitn pulli in de schul gongen, oba es woa jo lei a eisige "brise".....
des wetta do wea i wohl nie vastehn.
nojo, heit bin i trotz ollm noch spaziern gongen, mit da jackn woa donn a neama so kolt.
mitn todd semma noch ane pork chops kafn gfoan, auf deitsch kottelets, wal muagn bei da lorna aus unsra klass a gruellparty stott findet, und am wochenend is donn matura party, alladings lochn schon olle wal noch kana wirklich was wo...
nojo, weat schon irgndwonn amol stottfindn.
also donn, bis muagn, eia cri

montog

heit woa a schena montog, wal ma frei ghib hom.
i was zwoa nit so genau warum, oba i glab wegn da maturafeia naextes wochendend.
i denk das de wochn eha entsponnd weat, wal jo fia de feia aniges zan mochn is.
heit woa eigentlich nua relaxing und a weane wos fia de schul tuan, also des buach lesn und so.
zwischduach hob i wieda amol an spaziergong gmocht, dea alladings heit nit so long woa, wal so a wind gongen is. und frisch woa irgndwie a, hot wieda ziemlich obgekuehlt.
sunst woa heit nix mehr, bis muagn,
eia cri

sunntog

entschuldigung das i gestan nix mehr gschriebn hob, es is anfoch neama gongen.
also des is jetz amol fian somstog:
es woa a homa tog, jetz wo de lorna im restaurant is is natuerlich maenna runda daham, des hasst daham gibts gegruelltes, des weat mit de finga gessn, und olle oabeitn de onstehn sen rafn wexln, und so zeig.
i bin holt recht spaet aufgstondn, wal i noch so long am pc gezeichnet hob, hoba anfoch nit aufhean kennen.
nojo, i bin holt mitn JP ause gongen, anfoch lei mit pulli, ohne jackn, und es woa sooooo schen, hot woascheinlich +10 grad ghob. donn homma bei da betsie endlich amol de summarafn montiert, und den oltn truck den da todd noch hot ausa gezogn. des hom olles da JP und i alan gmocht, des woa echt cool, da todd hot uns anfoch foan lossn, donn homma noch de obdeckung fia de lodeflaeche aufn oltn truck gebaut, also de betsie schaut jetz komplett ondas aus.
danoch semma a weane mit de skidoos unmagfetzt, a weane de klanen buabn ausa lossn, da todd mit da grand touring, i mit dem vom don, ana oltn oba stoakn maschin, und da JP mit da 12... wia hom wohl getauscht a a poa mol. nojo, da todd hot holt jogd auf uns gmocht, des hasst mit vollgas auf uns zua rasn und grod noch a weane wegreisn, und wal de gonze bucht schon komplett waessrig is bist donn holt duachnoss.... schaut gonz witzig aus wenn ma mit da 12 so mit 20 km/h foat, hinta schaut und donn kummt do so a monstrum mit am irrsinns speed auf di zua.. jo, do homma echt a gade ghob. danoch semma a weane zum don (nochba) in de hittn gongen und hom wos getrunkn. danoch homma ebn gegruellt, do woama 5 maenna, quasi a grosses fressn, oba anfoch witzig.
am nochmittog hob i a weane gschlofn, des hob i anfoch gebraucht.
donn semma zan jacob umma gongen, party. zeast woas nit beeindruckend, woama lei ca 10 leit, oba donn geht ma amol von spueltisch weg und in naextn raum, stehn do auf amol sooo vuel leit umma, also do woan sicha guate 25 leit. und de maedls vua ollm natuerlich volle begeistat wenn ma amol wos auf deitsch sogt. woa echt homma, de party, wia hom fuck up, bullshit, ride the bus, olles gspuelt. und so vuele neie leit homma kennnen glernt, donn woa wieda dos grosse rotespuel, wie olt bin i.... a poa hom mi auf 26 gschaetzt, neia rekord :-D
woa echt homma, wia hom so vuele neie leit kennen glernt.
buelda sen a wieda haufn weise drinnen. irgndwonn zwischn 3e und 5e semma donn ham kummen, do hob i anfoch neama schreibn kennen.
so, und jetz zu heite:
es woa natuerlich zeast amol schlofn ongsog, also irgndwonn uma 1 semma donn ausa gekrochn, da todd hot schon essn gmocht, de lorna woa jo wieda im restaurant.
da restliche tog woa nt so sponnend, anfoch lei ummaliegn, faulenzn, wos futtan, anfoch chilln. da todd und de lorna hom am obnd beim fernsehn gmant das de leit bis 11 in da fruha gfeiat hoom, ana is drasun auf ana schneebonk gschlofn... und wia homs uns echt vadient das ma heite nua ummaliegn. es woa echt a homma party, schon long neama so a gaude ghob.
i wea jetz amol friha in de harpfn gehn, bin noch imma so fertig.
guat das ma muagn schulfrei hom, es is irgndwos wegn da matura, de feia is jo schon naextes wochenend.
also donn, bis muagn, schene woche,
eia cri

freitog

jo, heit woa eigentlich sogoa a sehr guata tog, in wps homma lei test ghob, des erste mol das i wirklich fia an test glernt hob, woa eh sooo leicht.
des wetta heit woa a traum, so schen, lei vaanzlt a poa wolkn, drausn sogoa +6 grad!!!
de erstn grossn brueche sen schon im eis in unsra bucht...
in da schul homma heit an vuatrog gegn drogn ghob, mit am magier, also zaubara, es woan zwoa sehr anfoche tricks, de ma leicht ausa findet, oba des vabundn mit ana antidrogenpresentation hob i a noch nie gsegn....woa oba echt guat gmocht.
am montog follt de schul aus :-) ka ohnung warum, oba, haupsoch sie follt aus.
in mathe danoch homma a lei de gonze zeit gratscht, mitn jacob homma un witze dazoellt.
muagn is woascheinlich a party bei eam, diafat wieda amol a lustiga obnd wean.
i bin glei noch da schul auf an spaziergong gongen, und wal des wetta so schen woa nit lei de uebliche klane runde, i bin glei noch quirpon (man glabts nit, oba des spricht ma KARPUUN), also a 1 1/2 stund woa i schon untawegs, danoch hots ma, und a meim knia, greicht. da todd hot gmant des woan guate 5 km.... a richtung....
nochdem i endlich daham bin, hob i ma lei de schuha ausgezogn, leitet des telefon, und kana daham. es woa de lorna, da todd und da JP sen druebn im restaurant essn, heit woa naemlich aoeffnung. also schuha wieda on, und zruck zan restaurant. duat hob i noacha endlich mein viking burger kriag :-) a traum, es sen eh wieda buelda drinnen.
mitn todd semma danoch noch schnoell einkafn gfoan (guat das do olle gschaefta bis 9e offn hom) und de restlichn 80 kilo erdaepfl in de betsie einglodn, 120 hom se schon vuacha glodn.
donn ham, a weane an de assignments fia art umma bastln, passt.
jo, dos woas donn a wied, bis muagn, eia cri

donnastog

heit hots wieda den gonzn tog gregnet, man konn dem schnee echt beim schmuelzn zuaschaun...
trotz niesln bin i a weane spaziern gongen.
de schul is heit wieda schnoella vogongen, woa a recht kamota tog, jetz hob i noch wps glernt, muagn homma whmis test.
de vicki woa heit zan obndessn do. als desert hots mannaschnittn gebn. nua holt nit so wie in AUT, sondan auf newfie oat, des hast jeda vaputzt a so a pockung mannaschnittn.
i hob mi heit davon fern gholtn, wals ma wieda nit so besondas geht.
da JP und i kummen in de letztn poa tog besondas guat aus, wal ma uns imma wieda wo weitahoelfn kennen und so, besondas in da schul.
de strossn und olles steht holt quasi unta wossa, also nit so wie wenn bei uns regnet, sondan so wie wenn soo a brutala schaua bei uns is, das ma sich goa neama ause traut, es steht anfoch echt olles, jeda parkplotz, olles min 3 cm unta wossa.
in jeda klanan senkung steht schon a eigana see, teilweise so gros das ma de ondre ende goa neama sigt.
dos woas oba a schon, bis muagn,
eia cri

mittwoch

heit woa irgndwie a schastog....
es is wieda a weane frischa wuan, gregnets hots a fest.... und bewoelkt woa holt volle.
und in da schul is de zeit anfoch nit vagongen, ka chance, i bin ma vuakummen als ob i 48 stund in da schul sitz, anfoch a horror, obwohl ma eh turnen und art ghob hom.....

nojo, is a irgndwonn amol vuabei gwesn, daham donn hob i mi amol auf an spaziergong gmocht und wie imma hob i nit dron gedocht das i de gleiche streckn zruck a wieda gehn muass....
im endeffekt woa i donn ca 1 stund untawegs und komplett duachgfuan, wal so a wind gongen is...
i hoff maugn weat wieda schena. danoch hob i noch geduscht, donn is am wieda a weane bessa gongen.
bis muagn donn,
eia cri

dienstog

jo, heit woa wieda a traumtog, de sun scheint, es is woam (+2 grad), man braucht ka jackn mehr, is anfoch schen ueba wos man sich schon gfreit.. hehe
in da schul woa heit rgndwie goa nix los, wia hom fost nix gmocht, a stund homma sogoa an vuatrog ueba hodenkrebs und wie man den soelba feststoelln konn ghob, natuerlich mit hiv, hpv, herbes, olles drum und droon, hot mi direkt gwundat, das se dos do a hobn, find i oba sehr guat, wenn a a weane zspaet. zerst homs de berschn a stund ghob, am ende sogoa noch 2 gratis kondome kriag, und donn de maedchen, also woan de 2 klassn sowieso ka untarricht.
es hot sich schon aniges vaaebdat, man sigt schon vaanzlt a poa spitze stana duachn schnee schaun, in griquet fliagn schon vadammt vuele moewen umma, de skidoos wean weniga...
oba es is schen, oba trotzdem konn i ma de gonze gegend ohne schnee nit vuastoelln, des is anfoch unmoeglich. da todd hot sogoa gmant das es schon vuakummt das in de berge weita im suedn, richtung corner brook, in de taeler schon vuakummen konn das des gonze joha da schnee nit wegschmuelzt... schon oag, im summa a noch schnee hobn.
oba des weat bei uns do nit da foll sein.
i bin donn noch spaziern gongen, da JP hot mi in a poa min donn eingholt, der is joggn gongen.
beim zruckgehn is da todd grod vom restaurant kummen, und wenn er mit da betsie mit so niedriga drehzohl vuabei foat, der sound is anfoch irre... a traum.
jetz sen se echt jedn tog fleisig druebn, olles fias aufsperrn hearichtn.
oba obwohls vielleicht grod amol 500 meta sen, a wenn se nix zan trogn hom, se foan mitn auto umme.
heit woa echt soooo schen spaziern gehn, blaua himml, so woam, wo i an de stoell kummen bin wo imma windstuell is (de strossn geht duach an grossn foelsn) bin i direkt ins schwitzn kummen, wal i doch noch de dicke jackn onghobt hob.
so an wundaschenen winta hob i leida in AUT schon long neama alebt.
bis muagn, eia cri

montog

so, ersta schultog, woa goa nit so zach. i woa soelba volle uebaroscht, wie munta das i woa.
vuel wos gmocht homma eh nit, also woas nit so a longa tog. a stund is quasi ausgfolln, do hob i anfoch de gonze stund musik ghuacht.
natuerlich woa heit, da jo wieda schul is, des wetta a traum, sunn, +3 grad, olles schmuelzt, man braucht nit amol mehr a jackn. oba a lei wals so windstuell is.
da gonze tog is holt ungewoehnlich schnoell vagongen.
oba dos woas a schon von heit.
bis muagn, eia cri

sunntog

jo, heit woa letzta ferientog, also long ausschlofn (bis 12e), beim essn woa de cousine von da lorna und a freindin von ian do, de kummen von labrador, also a recht weite reise.
zan essn hots wieda amol entn und schweinsfleisch gebn. nua hob i nit dron gedocht das des mei fruehstueck is, und a weane zvuel gessn.
danoch homma uns mit de skidoos aufgmocht, also da todd mit da oltn betsie, und da JP und i mit da grand touring. es woa ziemlich kolt oba des woa a guat, es woa schen hoat und wia sen querfoeldein gfoan, also echt volle geil zan foan. zwischnduach foat ma holt amol a poa meta nua auf moos oda gros, spaeta semma amol direkt a schlucht obe gfolln, also nit wirklich, oba es woa recht zach do wieda aufekummen.
do untn semma donn 2 meta nebn ozean gstondn und hom ause gschaut (buelda sen a wieda drinnen).
danoch semma wieda zruck gfoan, wal de betsie nit richtig gwerklt hot, da JP is goa nie zan foan kummen, ea wollt oba eh nit, wal eam kolt woa.
danoch semma oba noch amol alan a runde in da bucht drahn gongen.
donn bin i noch amol gonz alan foan gongen, anfoch amol schaun wos des skidoo so hergibt.
also de beschleinigung is krass, des is echt irre wie de onfoat.
do stehst echt amol schen auf, wennst vollgas gibts.
oba ueba 120 km/h bin i nie ause kummen, do weat ma anfoch neama schnoella, i glab das dafia de kettn anfoch nie guat gnua is.
oba 120 am schnee is a schon so wie 250 auf da strossn, da wind waht di fost oba, man pepplt lei mehr von am mugl zan ondan.
oba geil is anfoch.
also muagn geht de schul wieda los :-(
bis donn, eia cri

somstog

heit woa irgndwie a coola tog...
zerst amol guat kolt geduscht, woames wossa woa grod kans do.
am nochmittog hob i donn kochn ongfongen. jep, richtig gheat.
wiener schnitzel. des problem woa lei das de fleisch komplett de folschn stickln woan, also mit knochn, und vuel fett dabei.
nojo, noch a poa probleme hob i ma schon gedocht, des weat nix mehr, oba am ende hom se gonz guat ausgschaut und gschmeckt hom se sogoa vadammt guat, obwohl i vagessn hob des fleisch zan solzn :-D (is oba eh gsinda).
dazua hob i noch pommes gmocht, nudl homma von gestan noch ghob, wo da JP gekocht hot, also woas echt a guates essn.
spaeta am obnd semma donn zum terry gfoan, a dvd ausleihn, de erste woa rock'n'rolla, woa a fuelm irgndwie ohne sinn, oba gonz witzig...
und da 2e fuelm woa der homma, death race, anfoch genial, de fuelm is echt der homma.
jo, und jetz sen de ferien a schon wieda vuabei, muagn is da letzte freie tog :-(
wos mia an da schul do nit so taug is das es anfoch so fad is, besondas de hicks stundn... des is anfoch echt brutal.
oba irgndwie weama des a noch ob a biagn, sen eh lei 2 wochn, donn is eh schon de maturafeia, vielleicht sen do a poa tog frei.
bis muagn, eia cri

freitog

tjo, heit woa wieda amol kana daham wo i aufgstondn bin, da JP hot noch gschlofn...
i hob donn amol 2 kaesetoasts gmocht, spaeta hot da JP donn spaghetti gekocht, wal da todd gestan fia uns gekocht hot...
muagn moch i donn wiena schnitzl, i hoff es geht olle guat.
jetz am obnd homma grod noch an homma witzign fuelm gschaut, bierfest.
sunst woa heit nix los, es hot wieda gschniebn, dos wetta is noch imma beschissn.
es hot untatogs ca -8 grad, hot also wieda gonz schen obgekuehlt.
dos woas oba a schon an neiigkeitn.
bis muagn, eia cri

donnastog

in da fruha woa kana do, de lorna woa fost den gonzn tog ausa haus, da JP hot noch gschlofn, woa irgndwie a weane fad...
oba spaeta woama echt fleisig, wia hom aniges an holz wieda von da hittn eina getrogn.
jetz hom se echt amol an eisbaer gsegn, buelda sen a wieda drinnen, se hom ihn alladings aschossn, wal er schwer valetzt woa, de pfotn hot wos ghob und anige rippn woan gebrochn...
oba trotzdem a riesiges tier.
nojo, fia anaholb stundn homma holt lei holz einagetrogn, oba diesmol homma 2 radltrogn ghob, woa a schon um aniges bessa.
de zeit vageht so schnoell, und naexte wochn sen de ferien a schon wieda vuabei :-( *heul*
am obnd homma wieda amol de oestarreichischn suessigkeitn "gekostat", is echt guat wieda amol ane mozartkugln und ane mannerschnittn.....
am obnd homma zommen noch oceans 11 im fernsehn gschaut, woa recht witzig.
dos woas oba a schon fia heit, bis muagn,
eia cri

mittwoch

es woa goa nix los.
tuat ma lad, oba heit was i echt neama wos schreibn, es is anfoh goa nix gwesn, zan essn hots schinkn gebn, woa echt vadammt guat, mit salot dazua, und an dos siasse hob i mi a schon gegwehnt.
de wochn vageht holt in longewal, leida.
bis muagn, eia cri

dienstog

heit woa gonz a coola tog, wia sen um 11e ca do weg gfoan, noch englee.
des wetta woa nit so besondas, es woa lei neblig und gschniebn ots a wieda.
nojo, in englee semma zerst a weane umma gfoan, donn homma de verena obholn gfoan, und wieda zruck noch roddickton, des is a etwos gressare stodt.
duat homma donn guat gessn, i hob a pork lovers plattern gessn, also 2 wiaschtln, a kotelett, pommes, a poa strafen speckt, und holt beilogn, gemuese und so. de lorna hot ia sandwich nit gepockt, des hob donn a noch i gessn.
donn semma wieda zruck noch englee, sen auf an grossn foelsn aufe gstiegn, schaut volle geil aus do obn, nua leida woa de aussicht nit so wundaschen, wals jo neblig woa.
do obn homma a weane gratscht, donn semma noch oba zu der schiffswerft, do stehn holt olle boote jetz umma. es sen eh wieda neie buelda drinnen.
danoch semma oba a schon wieda hamgfoan, wia wolltn eigentlich den loop fertig mochn, oba des wetta woa in der richtung so schlecht, do homma donn umgedraht.
da todd woa schon daham und hot schon obndessn gmocht.
chicken wings, chicken nuggets und pommes.
jo, dos woas a schon.
bis maugn, eia cri

montog

heit woa anfoch a traum das ka schul woa.
jo, i bin heit amol spaziern gongen, es is komplett windstuell, nua liegt holt uebaroll 15 cm schneematsch.
da JP hot heit wieda amol sandwich gmocht, dos woa quasi klanes mittogessn.
zan obndessn hots lebakas gebn, mit bohnen dazua, de bohnen muass i sogn schmeckn ma daham bessa, wal do is dos lei mehr olles zommen so a brei.
muagn weama um 11e noch englee foan, a weane den hofn onschaun und so.
dos woes leida schon fia heit, bis muagn donn,
eia cri

suntog

frohe ostan eich olln!!!

heit woa jo ostasuntog, also woa heit holt essn bei uns, lorna ihre oeltan sen kummen, dos is imma recht witzig, wal er so schwer zan vastehn is, und sie is so a liabe.
de vicki und ia freind, da chris sen a kumman.
spaeta hot da glen noch vuabei gschaut, des is i glab a neffe vom todd.
zan essn hots natuerlich wieda truthohn gebn, schen longsom stehts ma on, wal der jo so trockn is.
am nochmittog hob i de gonzn postkoatn fertig gschriebn, also hob eh aniges zan tan ghobt. muagn wea i schaun das i noch a poa irgndwo kriag.
de lorna hot sogoa a klanes oster geschenk fia uns bade ghob, echt volle liab, a klanes sackl mit schokolade drinnen, sogoa "kinder surprise", also uebaroschungs-eia, de gibts do sogoa....
de obndessn hob i heit komplett vaschlofn, donn hob i ma um 7e oda 8e an toast gmocht.
i hob oba bis dahin nit amol an hunga kriag. woascheinlich hot sich mei koerpa vom fett anaert, des i schon onglegt hob. na, schmeh, komischa weiss hob i noch nix zuagnumman.
nojo, i wea mi nit driba beschwern.
heit hots wieda amol gschniebn, oba goa nit s wenig, also es is olles bedeckt, wean sicha a 5 cm sein.
oba muagn is es eh wieda weg gschmolzn.
also bis muagn, eia cri

somstog

jo, heit woa a omplett fada somstog, wia hom echt schon uebaroll gschaut wo ma irgndwos mochn kenntn, oba leida, es gibt fia de ferien echt kane plaene.
zan fruehstueck hob i fia mi undn JP toast gmocht.
zan obndessn hots spaghetti gebn, de woan heit a weane fad, da todd hot gmant ea hot schon so an hunga ghob das ea aufs wuerzn vazichtet hot, oba mit an uadentlichn schuss tabasco hots a wieda gepasst.
da todd fongt schon on mitn herrichtn vom restaurant, se weans jo bold aufmochn.
und dos woas a schon wieda fia heit.
bis muagn, eia cri

freitog

heit woa a geila freitog...
i bin um 12e aufgstondn, fruehstueck woan 2 dicke burger, woa oba lecka.... donn glei ongezogn, und aufs skidoo... da todd hot gsog das dos foan jetz anies zacha und schwara is, wal jo olles noss is und da schnee vuel schwara...
i finds eigentlich sogoa bessa, wal dos lenkn vuel leichta geht, ma hot anfoch vuel mehr grip.
zerst semma zua cabin, donn eisfischn, oba wia sen imma lei kuaz gebliebn, es woa anfoch ka wetta fias fischn. danoch semma wieda zruck zua cabin, komplett duachnaesst, anaseits wals so has woa, ondraseits wals so noss uebaroll is, in jeda senke steht dos wossa und man muass anfoch mit vollgas duachfoan.
heit woa echt so guat wie jeda bei da cabin, wals jo good friday is, und donn spueln se imma fuassboll. jo, richtig gheat, fuassboll. do hom se a foeld draussn am eis, und do spuelln se holt, de klanan kinda und olle holt zommen, is echt witzig.
des problem is holt das wenn ma do amol vasinkt kummst nua mehr mit ana seilwindn ausa, und man sinkt holt echt tiaf und steht bis zua hueftn im wossa.
pba lustig foan is holt, um aniges onstrengeda, oba geil.
anige schene neie buelda hob i wieda einegstoellt.
bei da cabin hots donn noch a grosses BBQ gebn, gross desholb wal fia 20 leit gruelln is holt schon aniges an oabeit.
de awoxanen sen donn amol irgndwo hin gfoan, nua lorna ia vota und wia 2 woan noch duat, do homma holt kamot gratscht.
bis 10e oda so semma gebliebn, donn semma im finstan hamgfoan, amol homma echt gedocht jetz sauf ma glei ob mitn skidoo, oba anfoch vollgas gebn, donn semma guat duach kummen.
es woa sooooo a schene nocht, beim hamfoan is wieda recht hoell woan, wal da mond ausa kummen is, und des woa echt a traum, zerst hob i gedocht es is a grosses feia oda so (hob schon gedocht do gibts a ostahaufn), woa oba da mond dea direkt am horizont woa.
da todd is vua uns gfoan, donn wia und donn noch a ondra, quasi auf uns aufpassn.
daham semma grod obstiegn, komplett noss, als ob ma echt vasunkn waratn... und auf amol sig i des do am himml, zerst hob lei gedocht irgndwos spiaglt sich im visier vom hoelm, hob den hoelm ognumman und donn de nordlichta gsegn. anfoch a traum von anan nocht, leida sen se nit so hoell gwesn, desholb sogt ma auf de fotos niz, oba alan amol dos schimman aufm himml segn is schon a traum.
jetz brauchma lei noch de eisberg segn, donn homma olles duach.
man heat eh schon aniges das a poa schon weita eina kummen noch st anthony.
so dos woas wieda, bis muagn,
eia cri

donnerstog

jo, heit woa jo da letzte schultog, also woa heit nit so wirklich untaricht....
de stundn woan volle vadraht, also es hot ka 15 min pause gebn, und de grosse pause woa a lei irgndwie gholt...
in mathe homa lei gratscht, in art homma holt weita goabeitet, also i hob endlich damit onfongen kennen mei hond onzumoln.
in englisch homma a lei gratscht, und sen donn in computerraum gongen.
jausn haet ma heit kane gebraucht wal de schul essn ausgebn hot, also sandwiches mit schinkn, kaese oda bades.... des is cool, de schul gibt in da klanen pause imma so snacks aus, do braucht ma a nix dafia zohln...
letzte stund homma geo ghob, do homma natuerlich wieda gschriebn, oba woa a nit so schlimm.
jo, danoch semma um 2 ham, also woa de gonze vaschiebung lei damit ma a stund friha aus hom.
daham donn woa nit vuel wos los, woam woa holt, es is wohl wind gongen, oba in da sun hots +6 grad ghob...
obndessn woan wieda de erdaepfl puffa mit fisch gmischt, de sen echt guat.
am obnd is de dayna wieda kummen, homma holt a weane ferngschaut, und donn woa da tog a schon um....
woa holt echt a kamota tog, wal olle guat drauf woan wals jo da letzte schultog woa.
jetz sen amol 9 tog frei, muagn homma uebahaup olle frei, is jo good friday.
jo, dos woas donn a schon wieda,
bis muagn, eia cri

mittwoch

jo, heit bin i kamot um 10e aufgstondn, donn hob i mit dem comic ongfongen, den brauch i muagn fia englisch.
jo, zmittog hob i nua de jausn de i normal fia de schul ghobt haett gessn, de lorna woa irgndwo auf besuch.
spaeta donn hot da JP ongruafn, das de lorna ihn holn kummen konn, wal da erste huelfe kuas hot laenga als bis 3e gedauat.
i hob de lorna bei dea freindin ongruafn, da JP is oba schon von da ondren lorna aus unsra klass ham gebrocht wuan, und dos woa holt a soeltsomes miss vastaendnis... also dos is echt a nochteil wenn de handys nit funktioniern...
i hob de gonze zeit an dem comic geoabeitet, manschn zeichnen is goa nit so leicht, oba i bin zfriedn. a bueld is eh auf da seitn.
obndessn woa donn panierte hendl haxn und pommes, und an cafe drauf. jo, und dos woa donn a schon da gonze tog.
bis muagn, eia cri

dienstog

nochdem ma heit de erste stund geo ghob hom und nua gschriebn hom, is de zeit do echt vadammt longosm vagongen, oba i hobs uebalebt....
danoch sen de ondan olle skifoan gongen, und i hob a stund im internet vabrocht und den rest in da klass gschlofn, i hob in da letztn nocht nua 1 1/2 stund gschlofn....
zerst hob i nit einschlofn kennen, wal i nit miad woa, donn hob i huastn ongfongen und neama aufhean kennen, i hob de tia zua gmocht, wal i kan aufweckn wollt, donn is wieda zhas gwesn, also fnsta auf, zkolt, fensta wieda zua, und so hots sich holt guate 4 srund dahin gezogn...
jo, nochdem de ondan um 12e wieda do woan vom skifoan (se woan eh lei longlafn), homma holt de restlichn stickln pizza von gestan aufgessn.
donn homma lei mehr musik ghob, und donn noch mathe, wia hom unsa oabeit oba schon aledigt ghobt, also homma anfoch untaeinonda gratscht.
noch da schul hot uns de lorna obgholt, und wia sen zu terry sein shop gfoan, der hot naemlich an "bankomat", und i hob endlich amol a goeld obhebn kennan, oba leida lei 40$, mehr woa im automat nit drinnen :-D
jo, donn holt ham und obndessn hots bei da oma gebn, es woa sooooooooooooooooooooooo guat, besondas de hauptspeiss. leida konn i eich nua sogn wos es woa wenn ia mi persoenlich frogts, i konns do nit eine schreibn...
ajo, de nachspeiss woa a frischer tegl eis, donn is es noch so richtig schen cremig, und an soelbagmochtn schokopudding kuchn dazua, noch richtig woam und frisch ausn ofn... i hob echt a schwaeche fia dos kanadische essn :-D
jo, dos woas a schon fia heit, muagn hob i schulfrei, wal de ondan erste hilfe kurs hom, sogoa da JP i hob schen frei und konn ausschlofn :-D
also donn, bis muagn, eia cri

montog

jo, heit woa dos wetta ziemlich uebaroschend, gestan hots jo gregnet, heit volle gas gschniebn, also echt guate 20 cm schnee wieda kummen....
dos hast untn woa a eisschichht und donn driba a schneeschicht, also echt vadammt rutschig, da bus hot do bei uns 10 min gebraucht wal er sich komplett eingfoan hot.
der is echt dahingrutscht, des woa oag. donn woa do a noch so a klana higl, dos woa jo dos grosse problem.
jo, das den gonzn tog voll gschniebn hot sen natuerlich vuele noch da mittogs pause neama kummen.
jo, in art hob i de gonze zeit lei damit vabrocht mei hond glott zan schlefn, des woa echt hoat, der gips oda wos dos woa woa echt so krass hoat.
jo, sunst gibts niz neies, zan obndessn homma pizza ghob, oba hausgmochte, frisch ausn ofn....
woa echt guat, mit paprika, fleisch, wuascht, ananas und ollm meglichn belegt...
da JP is bei 2 stickln volll gwesn, i hob wieda amol sonderdiaet gmocht und ma 4 1/2 gegoennt haha, da todd hot 4 ghob.
danoch noch a guate nochspeis und an cafe drauf.... echt guat.
und muagn kriag ma de restlichn stickln zua jausn mit, i hob muagn a lei 3 stund schul, wal de ondan in da 2en und 3en stund skifoan gehn, do bleib i holt in da schul.
am mittwoch hob i uebahaup frei, wal do de klass ersthoelfa mocht, des isn gonzn tog, und i mochs nit, also konn i ma an kamotn tog mochn....
do9nn donnastog noch und freitog sen don schon ferien a....
kamote wochn, also donn bis muagn, eia cri

suntog

jo, heit woa a vaschlofena sunntog, i bin um 11e aufgstondn, donnn hots eh schon bold mittogesss gebn, des woa rindfleisch, truthohn, und natuerlich erdaepfl und so zeig dazua.
danoch hob i mi amol an de koatn gmocht, also schreibn ongfongen, 6e hob i schon fertig.
jo, dos "obndessn" hob i heit irgndiwe vapasst, wals kans gebn hot... also jeda hot sich anfoch gnommen wos er wollt, i hob ma an kaese toast gmocht und in da pfonn ausa gebrotn.... woa gonz guat, donn noch 2 stickln von dem desert wos de lorna gmocht hot drauf und guat woa.
danoch hob i ma noch an fuelm ongschaut, und dos woas donn eigentlich fia heit.
eigentlich wollt i jo auf an spaziergong gehn, oba heit woa des wetta echt scheisse, a mischung auf regn, schnee und hogl.... also echt ka chance zan ausegehn....
so, naexte wocghn noch 4 tog und donn endlich osaferien, gfrei mi eh schon volle drauf.
also donn,, bis muagn, eia cri

somstog

da heitige somstog woa anfoch lei zan entsponnen.
i bin um 1:30 augstondn, hob also echt wieda amol ausschlofn kenne, und donn zan obndessn hots turhey neck gebn, also truthohn gnack.. is gonz lustig des obzan nogn.
spater am obnd semma noch zum terry gfoan, der hot so an klanen shop, duat homma 2 dvds ausgebuagt, also transporter 3 und felon, i muass sogn i wao weda vom am noch vom ondan so begeistat...
jo, und dos woas donn a schon fia heit.
bis muagn, eia cri

ajo, es gibt jetz fotos zu kanada 4!!!
anfoch auf extreme-linkin-park.piczo.com schaun, do is eh a link

TGIF

jo, heit woa a komplett unspaektakulaerer schultog, also es woa wecht nix los...
alladings semma noch da schul von da lorna obgholt wuan, donn semma noch st anthony gfon und ins einkaufszentrum gongen.
i hob uebaroll gschaut das i wo ane postkoatn kriag, oba ka chance.
danoch semma zua post gfoan, schaun obs do wos gibt, und do hom se echt postkoatn ghob.
und des geilste: des letzte mol hot de postkoatn 1,60$ gekostet und de briafmarkn fia europa noch amol 1,85$.
und heit homma ane postkoatn gekaft, de sen schon frankiert, also international, um 1,69$!!!
de konnst holt nua von kanada wegschicken, oba in de gonze woelt!! des find i volle guat, wal do bruaxt nit imma extra a markn a noch kafn...
leida hom se lei 11e ghob, de hob i holt olle gnummen, de motive sen oba echt schen.
und muagn wea i mi donn ans schreibn mochn, des weat eh a weane dauan.
danoch semma den todd von da oabeit obholn gfoan und chinesisch essn, de hom do echt a fern oestliches restaurant, alladings is da hauptbestondteil von buffet chicken wings, rippalan und so zeig... oba a poa chinesche sochn hom se wohl ghobt. des woa echt volle cool, wal da tisch so klan woa, i was nit warum, oba deswegn semma irgndwie volle guat zan redn kummen.
da todd und i homma uns natuerlich glei 3 vollglodene tella gholt, woa echt vadammt guat.
und donn semma holt wieda hamgfoan, spaeta is noch de dayna kummen und wia hom an fuelm gschaut, danoch noch fernsehn und jetz hob i se grod ham begleitet.
und muagn wea i mi amol so richtig guat ausschlofn, des brauch i jetz echt amol. letztes wochenend homma jo nie de gelegenheit dazua ghobt...
donn bis muagn, eia cri

donnerstog

in da schul woa heit recht lustig, i hob fia a lehrin olles aufschreibn miassn wos ma bei uns daham so olles zu ostern mocht.
da JP hot noch mei woerterbuch entdeckt, don hom olle aus da klass deitsch redn vasucht.. komplett danebn, de ausproche is anfoch komplett ondas.
muagn gemma wieda rodln, also konn i wieda in da schul bleibn und internet surfen.
heit woas echt vadammt woam, des normale thermometa drausn hot +2 ongezagt, und de wetterstation +9,5 , i glab es woan so um de 4-5 grad. de sun hot a gstrohlt, also es woa echt woam. und donn, um 5e, fongts auf amol volle zan schneibn on...
snowday weama wohl kan mehr hobn, denk i. leida....
spaeta am obn bin i draufkummen das i fia muagn noch mathe mochn muass... oba mei gresstes problem im moment is eh das i mi so schwer arrinnan konn, jetz moch ma grod de saetze fia dreiecke, also sss, sas, aas und asa sotz, de homma wia glab i in da 3en oda so gmocht.
nojo, zan obndessn homma chicken nuggets ghob, woan oba echt guate.
ajo, de jausn in da schul woa heit a guat: burger, und in ana extra box de spezielle vikingburger sauce. de sauce is echt a traum.
mehr woa heit leida nit, bis muagn donn, eia cri

mitwoch

today im gonna write everything in english!!

na, nua a april scherz :-D
des foan do a olle volle aufn erstn april ob...
woa recht witzig, da jacob is mit am reisn pflosta auf da stirn in de schul kumen, und hot oba kam gsog wos passiert is.
spaeta hot er uns donn dazoellt das er im bio untarricht so geton hot als ob ihm schwindlig warat und is donn beim aufstehn umgflogn, de lehrin natuelrich eh so a fuersorgende, wollt glei an oazt ruafn und ea draht sich um und schreit: "april fool!!"
da varrick hot 3 mol gschrian das drausn vuam fensta moose stehn, und da shannon hot jedesmol ause gschaut.
und beim viertn mol hot kana mehr gschaut, erst noch ca 30 sekundn, und donn sen echt 2 moose gonz dicht bei da schul dabei gstondn, volle liab (buelda!!).
heit hob i noch a poa fotos und a video gmocht, damit ia amol segts wies so in da klass zuageht.
es gibt 3 oatn von mathe, leicht, mittl (wo i bin), und advanced.
und wenn sich de lehrin amol um de ondan kuemmat, homma wia holt nix zan tan.
da JP hot a gonz neie oat zu schlofn entwicklt, is sogoa recht kamot, do schlofn da wenigstns de haend nit ein.
sunst woa nix los, de wochn vageht holt so schnoell, muagn in ana wochn homma schon ostaferien a.
also donn, bis muagn, eia cri