dienstog

gestan woa i anfoch schon zu miad um an eintrog zan mochn.
i hob neamlich schon um 5e aufstehn miassn wal ma olle netze holn gfoan sen. also um 6e semma donn ause, do woa noch recht kolt, den otem hot ma noch schen gsegn.
de netze de weita drausn woan woan goa nit so schlecht, insgesomt homma aus de 32 netze 90 pfund kaviar ausa kriagt. is zumindest schon amol a guates zeichn.
beifong homma aniges ghobt, krabbn und des zeig sowieso, a flunda, 2 robbn, seesterne das de hoelfte reicht, sogoa an vogl, des is naemlich ana von de de tauchn.
insgesomt woama ca 6 stund drausn am boot, homma uns zwischnduach noch den neien eisberg ongschaut. dea is echt wundaschen, schaut so wach aus, und is doch pures eis.
a wal is a de gonze zeit um uns umma gschwummen, nua gsprungen is ea leida nie.
sunst wioa nit goa so vuel los gestan, zan obndessn hots wieda amol hausgmochte pizza gebn, de woa sehr guat.
heit hob i endlich wieda amol guat ausgschlofn, i glab 14 stund long. donn semm aum 1 schon noch l'anse auz meadows gfoan, duat hot uns da todd ausa glossn, donn homma de gonze tour duach den nationalpark gmocht. des woa echt intressant. daham donn woa i schon so hungrig, hob jo den gonzn tog noch nix gessn ghobt, also hob i glei amol 2 guate pizza stickln vadruckt.
da todd hot noch a meeting im birgamasta haus ghobt, also bin i mitgfoan und ea hot mi beim schnitz lodn ausa glossn, duat hom se a sehr schene sochn, besondas de eisbaern aus walknochn sen sehr schen. nua is holt olles recht teia.
danoch ham, noch an klanen snack und des woas donn fia heit.
a schena tog woa, zwoa vadammt windig, oba 19 grad, also schon quasi hass. muagn weat donnn noch a weane waerma, des hasst muagn weamm donn ins wossa springen, wies ausschaut. und donn woascheinlich noch noch st anthony zum grenfell museum. donn miassma noch noch griquet fian todd wos zan votatog besuagn. und jo, bei uns is votatog a wochn spaeta als daham.
so, dos woas oba jetz fia de letztn 2 tog.
bis muagn donn,
eia cri