mittwoch

heit semma mitn todd noch st anthony gfoan, ea hot duat a meeting ghobt und wia sen dawal ins grenfell center gongen. itressant wos dea olle gmoch thot, oba de austoellung is nit so wos besondas. danoch semma noch in den souvenir shop gongen, oba so wos hob i a noch nie gsegn, schnatzareien um 1600$ ... also des woa neama normal.
danoch homma den todd ongruafn und ea hot gsog wia solln zan fishing point gehn, wia treffn uns duat. des sen holt 5 km oda so, oba aufn weg umma homma noch de chelsey getroffn, de ma bei ana party kennen glernt hom. donn semma noch zu an aussichtspunkt aufe gongen, 500 stufn.
danoch querfoeldein wieda obe und zum shop, und des timing woa echt perfekt, da todd i a grod kummen. wia hom oba eh noch wos zan trinkn geraucht, und da JP hot noch a weane wos gekaft.
donn semma wieda ham gfoan und hom essn gmocht, da todd is umme ins restaurant, also homma uns wieda chicken wings und nuggets und pommes gmocht.

spaeta is auf amol da jacob ins haus kummen, und wia sen ause, hom a weane mitn fuassboll umma gekickt, nua woan von 30 min ca 28 min nua boll suachyn, wal da jacob eam ueban zaun gschossn hot. danoch is noch de gillian mit ian hund kummen, do homma a weane softball, also a oat baeball gspuelt. woa gonz lustig. um kuaz noch 10e semma donn eina gongen und es woa nit amo kolt, heit hots 22 grad ghobt. und muagn weats ongeblich sogoa noch waerma, also hassts muagn springen. muagn oda goa neama, also definitiv muagn.

dos woas donn a wieda fia heit,
eia cri