donnastog

heit homma de erste stund geo ghobt, also homma eh nix gmocht.
glei danoch semma mitn bus noch st anthony gfoan zum hallnbod. de busse schaun zwoa cool aus, oba kamot sen se nit, do drinnen rumpults dahin, und de strossn do sen holt a nit so besondas guat.
des hallnbod besteht aus am beckn, ca 15 meta long und 10 meta brat, auf da tiafstn stoell so ca 2, 8 meta. oba leida sprungbrett und nix. oba es woa trotzdem a gaude. wia hom uns donn ziagl und pucks und olles megliche gholt und aufa tauchn onfongen. danoch sen de meistn zu mary browns essn gongen, da JP und i sen oba anfoch zua maua vom einkaufszentrum umme gsessn und hom jausnan ongfongen. de leit hom zwoa vadammt bled gschaut, oba es woa ka wind, sun und ka wolkn am himml, dos muass ma anfoch geniessn.
zruck in da schul homma noch musik und mathe ghobt, in musik homma oba nix gmocht und in mathe hot se uns de letztn assignments ausgetalt, also homma a do de gonze stund nua gratscht.
zum obndessn hots fisch gebn, woa wieda amol a guate obwexlung. danoch hot da todd gheat das 2 moose bulln in griquet sen, sogoa schon mit klane heana dron. natialich semma glei ins auto und umme gfoan, und de 2 bulln sen echt komplett normal uchs dorf gstapft. ana von de hot so um de 700 kilo, geht oba gonz liab bei de heisa vuabei, de leit schaun und fotografiern (buelda!).... und auf da strossn gehn se onscheinend besondas gern, autos aufholtn, des taugt senen glab i. in da bucht von griquet is a a klana eisberg, oba mitn boot foat ma do holt a stund, des warat anfoch zweit mit da bluestar.
jo, des woas a schon wieda fia heit, muagn is wieda freitog, und donn noch a wochn, und dos woas donn mit da schul... a graus. da jacob hot heit den JP gfrogt wie long ea noch do is. sei ontwuat: 19 tog. da jacob hot gonz schen grosse augn gmocht, bei da helen des gleiche, im august warat se a joha do, es konn anfoch kana glabn wie schnoell de zeit vaflogn is...
oba, i kumm jho sicha wieda amol hea, in a poa joha.
bis muagn donn, eia cri