Es woa woam

Heit bin i so frua wie noch nie aufgstondn, um 8:40...
eigtl wollt i nua ausprobiern ob da wecka funktioniert, donn woa i oba soooo ausgschlofn, das i holt aufgstondn bin...
da pablo hot noch bis 12 gschlofn, ea woa jo a featig vom flug.
i hob ma dawal ins wohnzimma ghaut und 3 std musik ghuacht.... und dabei in errinnerungen vasunkn...
donn homma eh schon mittog gessn, woa holt wieda left overs (de restln von gestan), es woa oba sehr guat.
donn semma mitn todd ause gongen, in de hittn, de er liebevoll shit nennt (hasst so vuel wie scheisse). duat homma donn sei oltes gwehr ausgegrobn, des hot ea im winta oba am dochbodn von da hittn vagessn, es is im herbst a bissl noss woan,und jetz woas holt total varrosted...
nojo, is jo seins.... i hob des skidoo ohne bremsn einegstoellt, wos goa nit so leicht woa...
donn homma da pablo und i schon amol mitn schleifn und putzn ongfongen....
hot ca 2 stund gedauat, bis dos ding wieda (holbwegs) rostfrei woa, i hobs donn noch lackiert, mit irgndan ausbesserungs lack aus da spraydosn fia autolacke....
jez is de flintn holt schen schwoaz. i hoff wia kennen sie in de naextn toge amol ausprobiern...
heit woa holt nit vuel los, wal es woa soooo woam, pure temp woa ca -7 grad (!!!), desholb homma a an schneesturm ghob.... also mitn wind und dem olln woas erst wieda auf -20....
wia hom donn holt de betsie onglossn, und sen a runde gfoan, da pablo hot guat dreingschaut wie er den mota gheat hot...woa oba bei mia a nit bessa...
mit da betsie semma donn noch st lunaire griquet grutscht, wal foan komma des nit nennen... de strossn woa kaum ersichtlich, ueberolll mit 10-20 cm schnee bedeckt....
duat homma donn gschaut, wos so de hoelme fia skidoos kostn (im prinzip motocross hoelme), da billigste woa 90 dollar, plus 13 % tax, und a bruelln brauxt a noch, 69 plus 13% tax.... ka billiga spass..... und da todd hot sich donn aufgregt, das dos motoroel sooooo teia is... von 3 auf 5 dollar gstign.... dos vollsynthetische.. i zohl fia mei holbsynthetisches fia mein 2-takta mindestens 18 euro....des hot ea ma fost nit geglabt...
nojo, billig is es do a nit, so a skidoo schluckt gonz schen vuel: de neiesten und bestn modelle ca 13 liter/100km....
in da betsie ho da pablo donn den johnny cash kennen glernt.
zruck semma noch zu unsan nochba gongen, todd seina schwesta, de is naemlich bei iam monn im kronknhaus und da todd muas de kotz, wenn ma dos so nennen konn, fuatan.. des ding hot knopp 30 pfund, also fost 15 kilo!!!!!!!!! bitte schauts eich des video on: extreme-linkin-park.piczo.com/fotoszukanada , gonz untn.
und donn daham hob i endlich amol de moeglichkeit ghobt mit meine oeltan und meim onkl zu skypen (fuer di aelteren :-) : telefoniern, nua mit bueld) und dawal hom de ondan schen gessn.... nojo, des woas ma wert *grins*
als i donn gessn hob homma olle zommen noch a weane gratscht und ferngschaut, da pablo und i hom noch a weane gechattet, donn semma a runde 120a ongongen, a gonz eigenes koatnspuel... und donn noch a runde texas hold'em, glei in da erstn runde hob i a fullhouse ghob....glick braucht ma a...
und jetz sitz i do und schreib den togebucheintrog (den i heite fost vagessn haett...)
so, i hoff muagn lockat sich dos wetta, duach den umschwung fongt mei knia wieda on wehzantan.... oba es weat wohl wieda koelta (und damit bessa).
bis muagn donn, eia chris