Eisfischn

Wichtig: fotos ob jetz auf fotoszukanada2!!!

also... nochdem i heit um 11e aufgstondn bin und hob i a weane mit da lorna gratscht.
donn woa eh schon essnszeit und heite hots wiaschtl (wiener oda so) gebn, und speck dea echt total vabruzzlt woa, oba so essn de dos do holt. dazua an echt guatn mit schokolade splitta gfuelltn pfonnkuchn, des woa oba ka nochspeiss, de homs echt dazua gessn......
donn hob i mi zum pc gsetzt und mit meine oeltan und onkl, tante und nicht aus muenchn gratscht, leida lei zielmlich kuaz, wal wia um 14:30 schon eisfischn foan gongen sein.
nochdem ma olle so vuel wie meglich ongezogn hom, semma ause und da todd is mitn skidoo vom nochba und da lorna hintn drauf gfoan, i mit todd sein skidoo mitn JP hintn drauf. es woan noch 2 ondre ehepoore dabei, de wia oba nit gekonnt hom. zerst semma amol im tiafschnee steckn gebleibn, sen oba zum glick glei wieda ausa kummen und weita gfoan. woa echt amol a guates foan, wal ma echt a guate holbe stund duach gfoan sen, teilweise a duach echt schwieriges gelaende.... donn semma amol auf an see onkummen, wo schon a poa leit gwesn sen, mit 3 skidoos. duat hom donn da JP und i unsre erstn lecha gebohrt, natuerlich mit hondbohra..... und es is nit anfoch bei ana eisschicht von ca 70 cm.... muagn wea i siha spotzn hobn :-)
zum fischn nimmt ma do nua a gonz klane ruatn und sobold ma wos gspiat anfoch zuegig aufa ziagn.
i hob noch ca 15 min, da JP noch ana 1/2 stund den erstn aufagezogn... de ondan (lorna, todd, JP und de ondan de i nit kenn) hom dauant hektisch des loch gwexlt... i bin bei mein gebliebn und hob zum schluss 10 fisch und an echt grossn ghob.... de lorna 6e und da JP 4e. da todd hot nit wirklich wos geton, dea hot nua uns monchmol gholfn. do woa noch a so a bekonnta vom todd, dea hot auf de fisch augn als koeder gschworn... donn hot ma holt immawieda an bluatign fisch im schnee liegn gsegn.... i hobs mit de normaln koeda gmocht und woa da beste.... konn holt nit jeda so a guata fischa sein wie i... :-D
donn homma uns holt wieda amol auf weg gmocht, i hob ma eh schon gedocht es is vuel zu spaet, wia haettn friha foan solln.... man hot fost nix mehr gsegn, wia hom teilweise echt de orientierung valuan (also da todd, dea is als ersta gfoan, donnn wia, also da JP mit mia drauf, donn noch 2 skidoos) und dos beste, mitn im wold legts uns auf de seitn wal da JP an schneehigl uebasigt..... woa oba nit weita schlimm, waehrend ea sich ausn schnee gekaempft hot, hob i des skidoo umgedraht und gstartet und donn is a schon wieda weita gongen. wia hom alladings a pause in da legendaeren hittn mochn miassn, wals anfoch zu schlecht zum duach foan woa. duat woa ebn wegn dem schlechtn wetta echt vadammt vuel los, dos sigt man oba am bestn aus de buelda.
nochdem ma uns do aufgwaermt hom und i mitn JP noch ueba a poa sochn de ma noch unbedingt mochn miassn gratscht hom semma wieda aufgebrochn. da JP is echt guat gfoan fia de vahoeltnisse, dos muas i echt sogn. zwischnduach weat am donn so schen mulmig wenn ma fost daham am ozean vuam eigenen haus foat und auf amol ca 30 cm im eis-schnee-matsch vasinkt..... oba da todd mant es konn nix passiern, anfoch fest gas gebn, damit ma nit vasinkt.
woa schen wieda ins worme zan gehn und de gonzn schicht auszanziagn.... und donn hots a schon essn gebn. sunntog obnd is dos essn anfoch dos beste: jeda nimmt sich wos ea wuell von de reste von da wochn und waermts auf (oda a nit) und donn deaf jeda essn wo er wuell, also sitz ma eh imma olle zommen im wohnzimma und schaun de simpsons....
da todd hot am obnd noch gmant das i zwoa am meistn zan essn hob, wal i jo de meistn fisch gongen hob, dafia hob i oba a am meistn oabeit mitn ausnehmen.... nojo, weat schon schief gehn.
so, dos woas wieda fia heit, hoffentlich is muagn schneefrei, kennt sogoa sein bei dem sturm...
weama segn.
bis muagn donn, eia chris