dienstog

heit woa a recht schena tog, des wetta weat ima bessa, und de schnee bonk vuam haus de amol 2 meta hoch woa hot sogoa schon anige leche kriag, und is lei mehr 3 cm hoch.
de higl sen schon so guat wie frei vom weiss, also long konns neama dauan.
de lorna is heit a wieda ham kumen, an tog friha wie geplant, was a nit warum.
und a traurige nochricht gibts noch:
es fliagn de gonze zeit heliko-ta do umma und suchtrupps wal a 66 jaehriga beim robben jogen vascholln is, schon seit gestan nochmittog.
im moment schauts nit guat aus.
vuele sogn das er so ana woa der dos schon pockt, wal er so a kaempfa is und sich imma irgndwie aus ana brenzlign situation darettat hot, oba herz probleme hot er a....
i hoff auf jedn foll das se eam bold findn.

heit homma wieda amol bei da ome druebn obnd gessn, de hot quasi des sunday dinner heit fia uns gmocht. woa echt guat, mit irgndan vogl, den i nit gekonnt hob, woa lei a weane trockn. und danoch noch den traum von ana nochspeiss.. i muass unbedingt des rezept dafia kriagn....
ajo, in de nochrichtn hob i wieda wos gsegn, wos mi gschockt hot: de EU vaweigat jeglichn onkauf von produkte de aus robben hergstoellt wean. fia vuele heat sich dos schlim on, oba i was wer do wirklich auf da folschn seitn steht, und dos sen de tierschuetza...
robben wean daschossn und stehn nit unta tierschutz wal se gefaehrdet sen, und fia vuele menschn do is dos da lebnsuntaholt. i man, ueba de fisch-methodn komma sich streitn, wal de den meeresgrund zastoern, oba do weat nix zastoert.... und robben sen ane vopn de tiere von denen mit obstond am meistn vaoebeitet weat, sogoa dos fett weat zu oel gmocht.
und dos fleisch is ans der bestn und reichholtigstn suatn uebahaup, i kapier nit wos olle gegn de jogd von robben hom.
mit tuat da fuchs bei uns in AUT mehr lad, der hot nit amol a saison, de robben deaf ma lei a kuaze zeit im joha jogn.
dos is mei meinung dazua.
in da schul woa nit vuel wos, da letzte ballon hot heit sei lebn lossn miassn wegn seim helium inholt :-D
also donn, bis muagn,
eia cri