somstog

so, jetz hob i schon anige zeit nix mehr eine gschriebn.
beim obe foan semma glei mitn todd in an baumokt gfoan, wal ea wos gebraucht hot, und dea woa gross. nochdem ma 3 stund drinnen vabrocht hom semma endlich weia zu unsra untakunft.
also ijn st johns woas echt volle geil, zeast hots amoll gschniebn, des wetta is oba schena woan oba ueba 8 grad hots nie ghobt.
wia hom aniges untanommen, da clayton, den todd sei bruada, hot uns a poa krabbn organisiert, donn homma zo umma 11 am obnd krabbn gessn. de sen so guat, 3 stund bevua ma se gessn hom gfongen wuan.
gschlofn homma beim clayton, dea hot a pension mit 6 zimma, dazua noch a restaurant und a bar. und des schmeisst ea olles alan.
zan fruehstueck hots imma ei, speck und wiaschtln gebn.
ajo, beim obe foan is a moose genau nebn da strossn gstondn, wo wia vuabei gfoan sen hot sichs so daschrockn das es sich amol komplett im kreis gedraht hot. moose suigt ma do echt anige. obwohl de foat ca 10 1/2 std gedauat hot woas goa nit so schlimm, i hob vuel mitn todd gratscht, mei beach glesn, so schnoell woa i noch nie, 450 seitn in 4 tog....
in st johns homma uns de quidi vidi brauerei ongschaut, und duat uns amol duachgekostet...
auf cape spear woama a, dos is da suedlichste punkt in neufundlond, des kennen a nit vuele von sich behauptn, am noerdlichstn und am suedlichstn punkt gwesn zan sein.
ajo, de strossn do obe sen fost olle rot, wal de erdn so rot is.
nojo, zruck zu cape spear, duat homma a fuehrung duachn oltn leichtturm gmocht, woa gonz intressant, im shop noch a poa souveniers gekaft.... hot gepasst.
zwischnduach semma ins einkaufszentrum gongen, endlich amol a grosses, dos woa echt a schenes, da JP hot sich an mp3 player gekaft, und i ma a digital kamara, also gibts bold wieda buelda, sobold i des problem mitn hochlodn beseitigt hob.
in de battery semma a gfoan. des is a stodtteil dea direkt auf da kueste liegt, nua sen do de strossn so extrem eng, so wos hob i noch nie gsegn, also venedig schaut dagegn aus wie a autobohn.... i hob ma gedocht de leit kriagn sicha foerdarungen oda zohln soguat wie nix fia an grund do... do hob i mi vaton, de leit wolln am wossa sein, in dea gegend sen nua aerzte, onwaelte etc.... a baugrund, de vielleicht 200-300 qm hot, kostet so ca 300.000 $.
i muass sogn, mia maissta ma dos wos zohln damit i do wohn....
ajo, auf cape spear is a wegweissa aufgsteollt, do steht genau drauf wie weit es duat und do hin is, also paris und so woa a drauf. und de titanic steht a drauf, de is von do lei 48 km sudoestlich.
und duatn woama noch in an museum, des woa ueba woeltraum, de titanic und de geologie von neufundlond. vua ollm des mit da titanic woa intressant, warum de eigentlich gsunkn is is schon banal.... wie leichtsinnig de leit woan... do woan sogoa a poa orginal teile von da titanic drinen ausgtoellt, und a poa genaue nochbautn a. und natuerlich videos wo da robota obegetaucht is.
gessn homma oft beim KFC, und am obnd holt beim clayton daham. do hot ma wohl gmerkt das dea koch is, und daduach das do fisch so guenstig is is dos lei mehr perfekt.
wenn ma aufdenkt, do kostet a holba kilo krabben ca 3$.... bei uns tast dafia woascheinlich 70$ oda so zohln.. und am obnd homma fost 5 kilo davon gessn. des woa echt lustig, wal ma den ponza auf de haxn jo zeat aufbrechn muass ond so, mit da zeiot kriag ma uebung, oba da JP und i hom zommen ca 4e gessn, und da todd in da gleichn zeit 10e oda so....
des wetta woa holt imma recht schiach, oba olles in ollm woa dea ausflucg echt perfekt, anfoch wundaschen, wia hom echt a gaude ghobt.
bton woa anoch ana daham, dea woa a gonz a zacha typ, hot lei mehr 4 finga auf ana hond ghobt, a so a richtiga fischa, sei gonzes lebn long.
ajo, da todd hot fia uns a fuehrung duachs regierungsgebaeude organisiert, des woa a echt intressant, semma sogoa aufn sessl von da queen gsessn.
aufn cape spear sen sogoa noch obwehr geschuetze von 2en woeltkriag, orginal und mit de bunka und ollm drum und dron, also st johns woa a grossa obwehr punkt.
in da stodt sen holt vua ollm de autos a traum, sogoa an porsche homma do gsegn.
beim hamfoan homma noch an klanen stopp bei dennis' harbour gmocht, do is a foels formation, de is anfoch soooo schen, olle stana do sen komplett rund und es is holt vadammt windig, oba des ding is anfoch so schen. des muass i mit meine oldies donn a onschaun. i wea schaun das i de buelda bold aufe kriag.
jetz noch wos vom obe foan: wia hom kuaz duat veabei gschaut wo da odd sei holz gschaegat hot, duat liegn sogoa noch schadlknocchn und haxn von am moose umma.... woa nit grod apetitlich....
in st johns homma anige echt schene schnitzarein gsegn, beim clayton daham, zB a odla aus am moose gweih. oba des is holt vadammt teia, wals echt so schen goabeitet is.
am donnastog semma am nochmittog ham kummen, oba do woa donn lei mehr entsponnen.
de lorna woa so liab, sie hot gsog am erstn tog woas schen amol alan zan sein, oba am ende hot se uns echt schon vamisst.
freitog woa ethel (todds mama) ia gebuatstog, do semma holt ins restaurant gongen und duat guat gessn. i hob wieda amol an viking burger vadruckt, also es is irgndwie schon schlimm das ma so wos guates produziern deaf... i gfrei mi schon wieda aufn naextn.
so jetz is oba glab i gnua, heit woa nix los, nua ausruhn, am obnd woa leida a nix los.
tschuldigng das olles so drunta und driba is, oba mia is anfoch olles so auf amol eingfolln.
also donn, bis muagn, eia cri