sunntog

i hob eigtneltich gedocht wia wean am vuamittog a oabeitn miassn, woa oba nit so, wal do eh nit so vuel los woa.
bei da oabeit homma eigentlich nit so vuel zan tan ghobt, wia woan de glaessa waescha. woa gonz witzig wia hinta ana bar gwischn hom de direkt im essnsraum is. zwischnduach homma amol a holtbe stund goa nix mochn miassn, donn is auf amol wieda a schwung von 200 glaesa kummen.
da schas woa lei das unsa spueln nit am wossa system onghaengt woa.
also homa imma wenn ma des wossa gwexlt hom den kiebla ase trogn miassn und ausschittn. wal so vul los woa hom se nit goa so vuel woam wossa ghobt, also homma wia unsa wossa mit a wossakocha ahitzn miassn, des woa recht zach, wal anige steckdosn in dem raum nit gehn und de wossakocha woan vadammt olt, ana is eh in da amol eingongen. woa holt imma so a ausprobiern obs laft oda nit. meistns homma den stecka so oft aus und ein gezogn bis a funkn kumen is, oda holt a nit. oba es woa kamot. lei amol homma des wossa zu hass dawischt, donn hob i ause gehn miassn und schnee holn.
und des geilste am gonzn tog: des woa neischnee, bei uns hots heit guate 10 cm gschniebn.... am 10en mai....
i hob eh von draussn a poa buelda gmocht, auf dem an wollt i den JP fotografiern wo ma umma 8:30 ham gfoan sen, oba es woa anfoch zvuel schnee.
uma 4e homma donn amol wos gessn, i hob aa t-bone steak bestoellt, a frittierte kugl eis noch dazua, und an cafe, donn woa da hunga wieda weg. beim hamfoan homma noch a softeis kriag.
und jetz schneiobs noch imma, i tat lochn wemma muagn an snowday hom, oba des glab i nit.
i hob uebahaupt kan bock muagn auf de schul, des wochenend woa anfoch nit goa so entsponnend. nojo, i weas uebalebn, bis muagn donn,
eia cri