somstog

so, heit bin i endlich wieda amol dazua kuman das i wos schreib.
de letztn 2 naechte woan holt partys, do hob i anfoch neama schreibn kennen.
am donnastog woama olle zan gruelln einglodn, des woa echt a coole party. am bestn sigt mas eh auf de buelda.
a witzige situation hots noch gebn: da todd hot uns alan in de supamoakt gschickt damit ma fias gruelln ane kotteletn holn, oba leida homma do a solziges fleisch dawischt des ma anfoch it gruelln konn. woa a ziemich grosses gelaechta... da todd und de lorna lochn sogoa heit noch daham driba.
und gestan am freitog woa zerst de graduation, so quasi de matura valeihung oda so. des woa echt volle schen, wenn ma aufdenkt das der raum amol a turnsool woa... irre, so vuel oabeit und goeld fia grod amol 3 stund.
normalerweise is noch da graduation a grosse party, nua hot des joha kana gwusst wo ma feian solln.... woa wia donn von da graduation ham gfoan sen homma den varrick gfrog wo de party jetz sein weat (des woa so gegn 9e) und ea hot lei gmant ea ruaft uns on wenn ses wissn. um 11 is donn a onruf kummen, das ma bei an bekonntn im shed feian kenne, also woas recht eng, es woan wenig leit, und gregnet hots a. oba trotzdem homma irgndwie volle de gaude ghob.
nua amol hot da freind von da gillian an auszucka kriag, dea is normal voll da kamote typ, oba do hots holt stress gebn. is oba nix passiert, es hom sich eh olle dazwischn gstoellt.
olles in ollm woans 2 homma geile partys, wal ma soo vuele neie leit kennen glernt hom, erst recht da freind von da gillian, da ted, der is volle kamot und voll intreesiert, der hot uns um olles ausgfrog, i glab fost der was noch de 2 obnde mehr uba kolumbien und oestarreich als da todd und de lorna :-D
also donn, bis muagn, schauts eich de buelda on!!
eia cri