freitog

heit woa a kamota tog wieda in da schul, nit wirklich wos goabeitet, hom nua art, musik und so ghobt...
i wollt donn noch da schul glei wieda spaziern gehn, oba, 3 mol diafts rotn, es hot schon gnieslt, alo bin i lei auf an kuazn gongen, donn hots eh schonn gschittet. amol schaun ob muagn bessa is.
sunst gibts nit vuel wos zan schreibn, do sen a poa gschichtn von de letztn poa toge wos i olles so gheat hob:

da todd hot uns jetz amol dazoellt wie ea vua a poa joha bie vadient hot:
imma wenn ea ane jugendlichn getroffn hot hot er um a 12 pack bier gwettat das er sei auto aufhebn konn. natuerlich hot eam dos kana geglabt, oba der konn dos echt, mit ana gonz normaln limousine oda so, am heck, er pockt on und hebt se auf.. und vuane hom se imma zu zweit aufghobn. des is anfoch irr wie stoak de leit do sen.

des is a volle witzig, de leit do hom zwoa fost kane handys, wals eh kan empfong gibt, oba de technik is trotzdem sehr weit. also so wie in CDLI, des sen de online kurse in da schul fia de olla gscheitstn, also de schwerstn kurse. jetz hom se dafia a neia ausruesatung kriagt, der raum in dem se sein hot so ca 8 PCs drinnen, und jetz hom se an grossn LCD fernseher mit ana kamara und ollm drauf, und mit der konn da lehra (der in goose bay, 1500 km weit weg, sitzt) ollen zuaschaun ob se wohl sena oabeit mochn. mit der kamara konn ma sogoa so weit und wuat zuabe zoomen das ma sigt wos de schuela aufn PC olles offn hobn, ob se wohl nit im intanet spueln oda so. also ni anfoch nua a webcam oda so....

und des gleiche mit de autos, olle autos von GM, also olle pontiacs, GMCs, Chevis, Cadillacs, olles hot onstar drinnen, des is a system fia des ma wenn ma sich ionmoeldet holt a poa $ im joha zohlt, oba nit so schlimm, und donn komma zB wenn ma de schlissl im auto eingspeat hot de onruafn, de datn eingebn und de sperrn des auto via satelit wieda auf. oda sobold des airbag ausloest kriagst an onruf wos passiert is, du brauxt a lei an knopf druckn wennst huelfe mitn auto brauxt oda in ana stodt schnoell zu an kronknhaus muasst, de leitn di genau umme.
und des hom olle autos ob baujoha 1999, i man, bei de neiaren kennen da de vom center sogoa sogn wenn da luftdruck in deim rafn nochlosst, donn kriag ma an onruf.... schon krass, i man, des mitn airbag und GPS ortung und so gibts bei uns a, oba so oag....