sunntog

tjo, so schnoell is des wochenend wieda vuabei.
und maugn hasst wieda ob in de schul, i hoff lei das es noch a poa oabeitn von da graduation zan tan gibt, so das nit wieda da gonz normale olltog einkehrt.
heit woa nix los, de vicki und ia freind woan zan obndessn do, do hots moose steak und schweinsschnitzl gebn, woa echt lecka, vua ollm woan de moose steaks amol nit komplett duach, sondan medium, a traum. da todd hot eh schon gsog das des moose fleisch schon longsom knopp weat, wal se jetz jo neama 2 sondan 4 leit im haus sen. und a weane a fleisch miassn se jo fia meine oldies a noch aufkoltn wenn de donn hea kummen.
i hob fost den gonzn tog an dem assignment goabeitat, wohl hob i ma sehr vuel zeit glossn, oba jetz fahln lei mehr 3 frogn, de moch i muagn, des passt perfekt.
sunst woa heit goa nix mehr los. de lorna foat maugn in da fruah corner brook, bis mittwoch am obnd bleibt se drausn, so als klanan urlaub.
i muass sogn i kennt des nit, so wie sie fost jedn tog oabeitn. nua montog hot se meistns frei, oba do mocht se de gonze buchholtung, und bei 12 leit is des a nit so wenig. und wenn vuel los is muass se derwegn noch aushoelfn. i kennt des nit.....
nojo, bis muagn donn, eia cri