mittwoch

heit woa a wundaschena tog, um 8e in da fruha hots schon +8 grad ghob, und wo ma ham kummen sen um 3e +10... und um 5e hots donnn 0 grad ghobt, was a nit warum des do soooo schnoell geht, wal de sun geht east um 9e oda so unta und es woa ka wolkn am himml...
ajo, heit um 7e in da fruha hom se den monn gfundn der vascholln woa. wo9a a grosse gschicht in gonz kanada, i man, 66 joha, diabetika, mit herzprobleme, und donn kippt e mit seim boot um und fliag ins wossa, schwimmt aufs eis und onglt sich noch an benzinkanista ausn wossa, damit er nit aufn blankn eis sitzn muass.....
da todd hot eh gsog, de generation is unglaublich... der is fia mehr als 45 stund drasun am eis gsessn, nua eis zan lutschn, ka essn, ka nix, und hot froehlich vua sich hin gsungen und gebetet. muagn kummt er ausn kronknhaus ausa, wenn da artikl in da zeitung is stoell i ihn eine.

ajo, wos da todd noch dazoellt hot, beim essn: er hot a zeit long auf so am krabben boot goabeitet, es gibt im fernsehn eh a show driba, "deadliest catch", und do hot er uns dazoellt, er hot in ana wochn 5700$ vadient, alladings is des da haerteste job dens gibt...
do weat anfoch so long goabeitet bis des boot voll is, des laengste woa 38 stund am stueck, ohne schlof, nua a poa min pause um wos zan essn.... anfoch irre.... wenn ma de show im fernsehn sigt konn ma sichs goa nit so vuastoelln, oba wenn mas aus ersta hond dazoellt kriagt... oag.

jo, des woas oba heit a schon so ziemlich, bis muagn donn, eia cri