mittwoch

heit homma in da schul 2 tests ghobt, und i9 muass sogn, mia gfolln tests longsom schon, erstns wal se so leicht sen und zweitns wal ma imma a gonze stund dafia zeit hom, egla wie long er is, daduach vageht a fade hicks stund natirlich a schnoella.
und heit woa anfoch a traum wetta, +12 grad, i hobs goa nit glabn kennen.
i bin wieda 2 stund spaziern gongen, wieda gonz aufe zu dem bankalan, und hob ka jackn gebraucht, im gegntal, mia woa hass.... nua den oulli konnst nit ausziegn, wal sooo a wind geht. es is echt irre, gebau do obn is so a wind, wenn ma 3 meta vom bankalan weg geht is shon vuel weniga. oba anfoch a traum heit, so schen. und ans is eh kloa, am wochenend weat wieda schiacha. de lorna hot heite de nina ongruafn und in dem haus fia meine oldies sen noch olle (6) zimma frei.
sunst woa heit nit vuel, obndessn woa fia mi heit alan, wla i grod untawegs woa wo de gessn hom. oba a egal, dafia hob i donn umso an bessan hunga ghobt.
muagn is da letzte tog fia de wochn, a traum. und woascheinlich weama muagn oda vielleicht am somstog mitn todd in wold gehn und a weane holz schlaegan. weat hoate oabeit, oba des tuat uns eh guat.... ajo, heit is innaholb von 6 stund (waehrend wia in da schul woan) fost unsa gonze bucht frei gschmolzn.. da todd hots a nit glabn kennen, dea hot gedocht do is a boot duachgfoan. muagn kumman wieda neie buelda, nua heit is schon zspot. oba muagn sicha.
also donn, bis muagn, eia cri