freitog

heit woa wieda a geila tog, wal ma an test ghobt hom und dadurch is de zeit vuel schnoella vagongen.
und donn homma noch englisch ghobt, und i woa jo schon fertig, also hob i de gonze stund im computer raum vabricht.
letzte stund woa donn gym, oba do sen fost olle klassn ause gongen, es is naemlich jetz a aktion zua untastuetzung da forschung von MS (multiple sklerose) und do sen olle mit leibalan umaglofn und schleifn und olles drum und dron.
heit warat eigentlich noch a grad party gwesn, oba es hot an autounfoll gebn, und ana is dabei gstuabn, wos i gheat hob sogoa ana von de maturantn, also east so ca 18 joha olt.
de sen von da strossn obkummen und des auto hot feia gfongen.
traurige gschicht, des oage is lei das es do nit amol a onschnoll pflicht gibt. es woa lei ane ongschnollt, und dea is so guat wie goa nix passiert.

jo, wieda wos (zu mindest fia eich) lustigares: bei uns hots heit ca 3 cm gschniebn, es woa olles wieda weiss...... nua leida is mei kamara eingongen, losst sich anfoch neama einscholltn, also weats ob jetz neama so vuele buelda gebn, nua de wos da JP mocht.
am montog foama ziemlich sicha noch st johns mitn todd, des is de hauptstodt von neufundlond, dos hasst do foama a richtung ca 12 stund.... oba, es zohlt sich sicha aus. also bleibn tuama olles in ollm woascheinlich 4 tog, also spaetestns am freitog moeld i mi wieda.
jetz muass i eh muagn noch des hotel onruafn, damit olles fertig is.
also donn, bis muagn,
eia cri