donnastog

heit woa a kamota tog. onscheinend woas da hoehepunkt von da muedigkeitsphase, heit homma erste stund musik ghobt und noch 30 min hot de lehring gmant sie holt sich wos zan schreibn und wia kennen schlofn, wos donn a da grossteil gmocht hot.
sunst woa nit vuel los, in englisch homma zu de PCs gehn kennen wal ma a werbeplakt gestoltn miassn.
sunst woa heit in da schul nix los. da JP hot ma von am aussichtspunkt dazoellt, do geht a stiagn aufe, und heit bin i aufe gongen, i woa zwoa von holba 7e bis holba 9e aus, oba des woas weat.
zerst steht auf an schuel das es 430 meta noch sen, und da JP hot gmant des sen vielleicht amol 100, alladings is noch dem bankal wos er gmant hot noch a weg weita, und des sen sicha 430 meta. a poa stoelln woan noch an guatn meta mit schnee bedeckt, ba da grossteil woa frei. i hob eh fotos gmocht, oba des muass ma anfoch gsegn hobn. man sigt sooo weit, obwohls heit komplett bewoelkt woa. es is echt a traum do obn.
es is definitiv des schenste punkale des i je gsegn hob^^
da todd is heit amol weggfoan, amol schaun wos a gscheides holz zan schlaegan gibt. muagn in da fruha weat ea ause foan und wos holn, onscheinend weats schon knopp. ea hot naemlich muagn frei gnommen, dafia muass ea am somstog donn oabeitn.
fian muttatog homma a schon wos: de lorna oabeitet do nit, desholb wean da JP und i aushoelfn. weat zwoa nit leicht, a job bis 10e am obnd, und muttatog is ima komplett voll de bude.... nojo, oba sie hot sichs vadient. dos muass ma echt sogn.
daham donn woa neama vuel wos los. de vicki woa zan essn do, wolt oba nix essn, also hom lei wia 3e guat de restl gspeisst.
also donn, bis muagn,
eia cri