donnastog

heit woa a oaga tog... es woa soooo schen, des haett i ma a nit gedocht, beim ham kummen hob is goa nit glabn kennen (bueld!!), es hot 16 grad ghobt!!!!
de buvht woa voll mit eis, oba a lei wals in ozean ause getriebn is. und obn beum bankalan woa a nit so windig, i glab i bin heit a stund nua obn gsessn. woa echt a traum.
natialich woa waehrend wia in da schul woan blaua himml und noch a weane schena, und sobold ma daham woan bewoelkt, oba egal.. man konn nit olle hobn. oba i bin beim aufe gehn mitn pulli echt schon ins schwitzn kummen.
in da schul woa a echt kamota tog. auf den wps test von gestan hob i 80% kriagt, passt eh. mathe hom da shannon und da varrick sich "frei gnummen" und dadurch waratn in senam kurs nua mehr 2 leit gwessn, also hom de nix ghobt. und wal jetz eh 4 tog frei sen homma wia a nix gmocht, lei a poa zettl kriag, oba nix mathe....
in turnen homma schlofn kennen, woa eh 2e stund, also eh perfekt, wenn ma des in class assignment schon fertig ghobt hom....
sunst woa anfoch lei a kamota tog, mitn jacob homm uns a weane de arinnarungen von corner brook aufgfrischt... de sochn sen noch ima so witzig.... homma.

beim spaziern gehn denk i jetz neama noch, wos da grund woa warum i eigentlich damit ongfongen hob, jetz bewunda i anfoch lei mehr de natur. de londschoftn do sen so schen, und wen ma zum horizont ause schaut is es anfoch a traum, quasi ka ende, unendlich weit ause. und wenn amol a sternkloare und woame nocht is, so wie de gestan, geh i sogoa in da nocht ause, nua holt nit so weit, wals wegn d moose und vua ollm wegn kojotn anfoch zgfaehrlich warat. so wies ausschaut weama also bold amol mitn todd ause foan mitn oot. er hot naemlich vua a poa tog gmant das des vielleicht nix weat, wal normale sollt des eis in da bucht schon laengst weg sein, es is noch NIE so long gebliebn wie heia. dafia woas donn um so schnoella weg.
bei de buelda sigt ma eh wies so ausschaut, des mitn meistn weissn eis is von heit. hosn sigt ma jetz a dauant, egal wo ma hingeht, man sigt imma an. oba sobold se wos hean oda segn -futsch- weg sen se.
ajo, da todd hot gmant das ma im boot woascheinlich a an see adla segn wean, de sen do recht oft untawegs. des warat a noch wos schenes. jogn weama leida nit gehn, wal lei de robben saison offn is, und dafia homma anfoch nit gnua zeit, wal do miassat ma so weit wegfoan mitn boot und aufs eis ausse steign. oba a egal, auf de eisberg gfrei i ma dafia umso mehr.
so, dos woas donn fia heit.
bis muagn, eia cri